ក្រុមហ៊ុន Sprint បានប្រកាសថាក្រុមហ៊ុនរបស់ខ្លួននឹងធ្វើការផ្តល់ជូនជាលើកដំបូងនូវ 4G LTE tablet នៅថ្ងៃទី 11 ខែ វិច្ឆិកា ឆ្នាំ 2012 ខាងមុខនេះ។
ប្រភេទ tablet នោះមានឈ្មោះថា Samsung Galaxy Tab 2 10.1 ដែលត្រូវដាក់លក់ក្នុងតម្លៃ 549.99 ដុល្លារ។គម្រោងការបង់រំលោះប្រចាំខែរបស់ក្រុមហ៊ុន Sprint សម្រាប់ LTE tablet វាអាស្រ័យទៅនឹងទំហំទិន្នន័យដូចខាងក្រោម៖
គម្រោងការនោះមានតម្លៃ 14.99 ដុល្លារក្នុងមួយខែសម្រាប់ទិន្នន័យ 300 MB នៅលើបណ្តាញ 3G ឬ 4G។ចំពោះគម្រោងការផ្តល់ជូននូវទិន្នន័យ 3GB មានតម្លៃ 34.99 ដុល្លារ 6GB មានតម្លៃ 49.99 ដុល្លារ និង 12GB មានតម្លៃ 79.99 ដុល្លារ។
ប្រភេទ tablet នោះមានបំពាក់មកជាមួយអេក្រង់ទំហំ 10.1 អ៊ីង processor ស៊េរី dual core ទំហំ 1.5GHz និងមានភ្ជាប់មកជាមួយនូវ VGA camera ខាងមុខនិងកាមេរ៉ានៅខាងក្រោយមានទំហំ 3 មេហ្គាភិចសែល។ចំណែកឯប្រព័ន្ឋប្រតិបត្តិការណ៍វិញគឺ Android 4.0 ហើយព្រមទាំងមានភ្ជាប់មកជាមួយនូវ Wi-Fi និងមានថាមពលផ្ទុកដល់ទៅ 7000 mAh ទៀតផង៕
ប្រភពៈ geeky gadget