ជាមួយនឹងម៉ូដែលទូរស័ព្ទ Sharp Aquos Phone Zeta SH-02E ដែលជាទូរស័ព្ទដំណើរការជាមួយប្រព័ន្ធប្រតិបត្តិការណ៍ Android 4.0 Ice Cream Sandwich មានលក់នៅទីផ្សាជប៉ុនហើយ។
មុខងារពិសេសៗដែលមានបំពាក់មកជាមួយម៉ូដែលទូរស័ព្ទ Sharp Aquos Phone Zeta SH-02E រួមមានដូចជា អេក្រង់ប្រភេទ IGZO Display ទំហំ 5 inch, អង្គដំណើរការប្រភេទ Qualcomm Quad-Core Snapdragon S4 Pro CPU, RAM ទំហំ 2GB, អាចប្រើប្រាស់នូវបច្ចេកវិទ្យា LTE, NFC និងបច្ចេកវិទ្យាជាច្រើនទៀត។
គួរឲ្យសោកស្តាយផងដែរ ដែលទូរស័ព្ទម៉ូដែលខាងលើនេះដំណើរការជាមួយប្រព័ន្ធប្រតិបត្តិការណ៍ Android 4.0 Ice Cream Sandwich។ប៉ុន្តែមិនថ្វីទេ នៅក្នុងរយៈដ៏ឆាប់ខាងមុខនេះប្រហែលជាដើមឆ្នាំ 2013 ទូរស័ព្ទម៉ូដែលនេះនឹងទទួលបានការ Update នូវប្រព័ន្ធប្រតិបត្តិការណ៍ Jelly Bean៕
ប្រភពៈ Intomobile