Lumia 1520 គឺជាទូរស័ព្ទទំនើបប្រភេទ Phablet ទី១ របស់ក្រុមហ៊ុន Nokia ហើយបើយោងតាមប្រភពព័ត៌មានដែលចុះផ្សាយនាពេលកន្លងមកបានឲ្យដឹងថា ក្រុមហ៊ុន Nokia នឹងបង្ហាញជាផ្លូវការនូវទូរស័ព្ទទំនើប Lumia 1520 នៅថ្ងៃទី២២ ខែតុលា នេះ ។ 
នៅសល់រយៈពេល មួយសប្ដាហ៍ទៀតទើបដល់ថ្ងៃដែលក្រុមហ៊ុន Nokia ធ្វើការប្រកាសចេញជាផ្លូវការនូវទូរស័ព្ទទំនើប Lumia 1520 ប៉ុន្តែកាលពីថ្ងៃម្សិលមិញនេះប្រភពពី UnwiredView បានបង្ហាញរួចហើយនូវរូបភាពនិងលក្ខណសម្បត្តិបច្ចេកទេសជាច្រើនរបស់ Lumia 1520 ដែលគេអះអាងថាលេចចេញមុនថ្ងៃបង្ហាញជាផ្លូវការដោយ Nokia ។ ម៉ូដែលថ្មីនេះមានវិមាត្រ 152x81x8.7mm និងបានបំពាក់់នូវបច្ចេកវិទ្យាអេក្រង់ AMOLED PureMotion HD+ទំហំ 6-inch បូករួមទាំងកម្រិតភាពច្បាស់ 1920 × 1080p (Full HD) ។ កាន់តែពិសេសជាមួយប្រព័ន្ធដំណើរការខួរក្បាល CPU Quad-core 2GHz (Snapdragon 800) រួមបញ្ចូលទាំងអង្គផ្ទុក ទិន្នន័យជាប់ម៉ាស៊ីនទំហំ 32 GB និង 64 GB (អាចបន្ថែម microSD Card) ។ កាន់តែទំនើបជាមួយកាមេរ៉ាទំហំ 20.7 MP ដំណើរការដោយ Windows Phone 8 ហើយមានថាមពលថ្ម 3,400mAhផងដែរ ។
ប្រភពៈ sohoa.vnexpress.ne