នាពេលថ្មីៗនេះ LG បានសហការជាមួយនឹងក្រុមហ៊ុន Harman/Kardon ដើម្បីនាំយកនូវកាសប៊្លូធូសដែលមានសំលេងលឺច្បាស់ល្អដែលមាន ឈ្មោះថា LG Tone Infinim ។
កាសប៊្លូធូសដែលជិតមកដល់នាពេលខាងមុខនេះមើលទៅពិតជាទំនង គួរអោយចង់ប្រើប្រាស់មែន ជាមួយបទពិសោធន៍ថ្មីនៅពេលដែលយើងពាក់វានៅពីក្រោយ ក របស់យើង។
កាសប៊្លូធូសនេះមានថាមពលថ្ម 220 mAh ដែលអាចទុកចោលបានរយៈពេល 550 ម៉ោង និយាយបានរយៈពេល 17 ម៉ោង ស្តាប់តន្រ្តីបានរយៈពេល 14 ម៉ោង ហើយវាមានប៊ូតុងដែលអាចអោយអ្នកងាយស្រួលក្នុងការផ្លាស់ប្តូរបទ ចម្រៀងបានយ៉ាងឆាប់រហ័ស ជាមួយនឹងសម្លេងនិងរំញ័រដែលអាចអោយអ្នកដឹងបានពីការផ្ងើរសារ និងការហៅចូល។
ការរចនាកាសស្តាប់ត្រចៀកថ្មីនេះ មានភាពទាន់សម័យជាមួយនឹងរូបរាងកោង និងមានពណ៌ទឹកប្រាក់រលើបរលោង ហើយវានឹងមានពណ៌ជាច្រើនទៀតដែលនឹងត្រូវបញ្ចេញ ប៉ុន្តែឥឡូវវាទើបតែមានពណ៌ទឹកប្រាក់មួយប៉ុណ្ណោះ ដែលដូចទៅនឹងរូបភាពខាងលើនេះអញ្ជឹង។ ហើយ LG ក៏បានរចនាវាអោយមានភាពងាយស្រួលក្នុងការទាញចេញទាញចូលឬពន្លឹប ពង្រីក និងបង្រួមបានផងដែរដូច្នេះអ្នកមិនបាច់ព្រួយបារម្មណ៍ក្នុងការដើរ កំសាន្តឬសំយុងខ្លួនចុះដោយមិនជ្រុះកាសប៊្លូធូសនេះឡើយ ។