ក្រុមហ៊ុនAppleរំពឹងទុកថានិងដាក់បង្ហាញនូវពីរជំនាន់ផ្សេងគ្នានៃផលិតផលស្មាតហ្វូនម៉ូដែលiPhone 6របស់ពួកគេនៅចុងឆ្នាំនេះ ដែលមួយមានអេក្រង់ទំហំ4.7 អ៊ីងនិងមួយផ្សេងទៀតមានទំហំអេក្រង់5.5អ៊ីង។
នាពេលថ្មីៗនេះដែរមានរបាយការណ៍ថ្មីមួយបានអោយដឹងថា iPhone 6ទាំងពីរម៉ូដែលនេះនិងភ្ជាប់មកជាមួយនិងលក្ខណៈផ្សេងៗគ្នាទាំងលក្ខណៈកាមេរ៉ានិងទំហំផ្ទុកដ៏ទៃទៀត។ដោយកាលពីមុនមានពាក្យចចាមអារ៉ាមបានអោយដឹងថាកាមេរ៉ាដែលបានបំពាក់មកជាមួយម៉ូដែល4.7 អ៊ីងជាប្រភេទElectronic Image Stabilization (EIS)។ យោងតាមពត៌មានដែលបានមកពីគេហទំព័ររបស់ប្រទេសចិន Feng (Translated)បានអោយដឹងថាម៉ូដែល 5.5អ៊ីងនិងបំពាក់មកជាមួយនិងកាមេរ៉ាប្រភេទOptical Image Stabilization និងមានជម្រើសនៃការផ្ទុករហូតដល់ទំហំ 128GB ។
លក្ខណៈផ្សេងទៀតវិញiPhone 6ទាំងពីរម៉ូដែលនេះត្រូវបានគេនិយាយទៀតដែរថានិងមានខួរក្បាលCPUប្រភេទ64-bit Apple 8 ដូចគ្នា ។ចំណែកឯកម្រឹតភាពច្បាស់វិញiPhone 6 ដែលមានអេក្រង់ទំហំ 4.7 អ៊ីងនិងមានresolution កម្រឹត1704 x 960ភិចស៊ែល ដោយឡែកiPhone 6ដែលមានអេក្រង់ទំហំ 5.5 អ៊ីងនិងមានអេក្រង់ប្រភេទQuad HD និងresolution ក្នុងកម្រឹត 2560 x 1440 ភិចស៊ែល។
ចំណែកកាលបរិច្ឆេទដាក់បង្ហាញវិញ តាមពាក្យចចាមអារ៉ាមបានអោយដឹងថា ក្រុមហ៊ុន Appleនិងដាក់បង្ហាញiPhone 6 ក្នុងខែកញ្ញាប្រហែលថ្ងៃទី19ជាមួយនិងApple iWatch និង iOS 8៕
ប្រភព៖ MacRumors, GSM Arena