ថ្មីៗនេះទូរស័ព្ទស្មាតហ្វូនម៉ូដែលBlackBerry Passport គឺត្រូវបានដាក់បង្ហាញដោយនាយកប្រតិបត្តិរបស់BlackBerry គឺលោក John Chen កាលពីដើមខែមុនេះ។ ហើយនាពេលនេះដែរក៏មានរូបភាពមួយចំនួនដែលបានបង្ហាញពីម៉ូដែលនេះថែមទៀត។
ស្មាតហ្វូនBlackBerryនេះបានបំពាក់មកជាមួយនិងអេក្រង់ជ្រុងដែលមានទំហំ4.5 អ៊ីងនិងមាន resolution ក្នុងកម្រឹត 1440 x1440 ភិចស៊ែល។នៅផ្នែកខាងក្រោមនៃអេក្រង់របស់ BlackBerry Passportបានភ្ជាប់មកជាមួយនិង QWERTY keyboardចំនួនបីជួរដូចដែលបានបង្ហាញនៅក្នុងរូបភាពស្រាប់។ជាមួយគ្នានេះដែរBlackBerry Passport និងអាចដំណើរការលើBlackBerry 10.3ដែលផ្តល់អោយស្មាតហ្វូនមួយនេះអាចធ្វើការទាញយកកម្មវិធីនិងហ្គេមជាង 200,000 Android apps នៅលើAmazon Appstore។
ដូចដែលយើងបានអោយដឹងហើយថាស្មាតហ្វូនមួយនេះត្រូវបានបំពាក់មកជាមួយនិងខួរក្បាលប្រភេទ quad core Qualcomm Snapdragon 801 processor និងអង្គចងចាំ RAMទំហំ3GB។ ផងដែរក៏មានម៉េមូរីទំហំ 32GB បូកជាមួយនិងរន្ធ microSD card សម្រាប់បន្ថែមទំហំបន្ថែម និងមានថាមពលថ្ម3,450 mAh ។ចំណែកឯកាមេរ៉ាវិញBlackBerry Passportមានកាមេរ៉ាមុខទំហំ3 មេហ្កាភិចស៊ែល ប៉ុន្តែមិនពត៌មានលម្អិតទាក់ទងនិងកាមេរ៉ាក្រោយនោះទេ។
BlackBerry Passport និងត្រូវបានចរាចរណ៍នៅលើទីផ្សារនៅខែកញ្ញានេះ។ប៉ុន្តែមិនមានពត៌មានលម្អិតណាមួយទាក់ទងនិងតម្លៃនោះទេ។
ប្រភព៖ CrackBerry