នៅក្នុងសប្តាហ៍នេះដែរក្រុមហ៊ុន Orange Makerបានធ្វើការដាក់បង្ហាញនូវផលិតផលថ្មីរបស់ខ្លួនដែលជាប្រភេទបច្ចេកវិទ្យា 3D printing technologyក្នុងទំរង់ជា Heliolithographic 3D printer។
ដំណើរការរបស់ Heliolithography (HL) 3D printingនេះគឺត្រូវបានបង្កើតដោយក្រុមហ៊ុនOrange Maker ដើម្បីផ្តល់អោយអតិថិជននិងអ្នកប្រើប្រាស់ជាមួយនូវ ”ការប្រើប្រាស់ពេញលេញ” នៅពេលប្រៀបធៀបជាមួយ Stereolithography (SL)។
Heliolithography 3D printing បានផ្តល់និងបង្កើននូវល្បឿនក្នុងការព្រីន , ជម្រើស និង ផ្តល់នូវការព្រីនបានច្រើនប្រភេទ ច្រើនសណ្ថាន , ផលិតផលសម្រេចស្អាត មានផ្ទៃរលោង (smooth)នៅពេលព្រីនរួច, និងបង្កើននូវកម្រឹតលម្អិតជាងdesktop 3D printerមុន។
ម៉ាស៊ីនព្រីនម៉ូដែល Helios One HL 3D printerនេះគឺជាម៉ាស៊ីនព្រីនដំបូងក្នុងខ្សែរស្រឡាយនៃHeliolithography 3D printers។ ហើយក្រុមហ៊ុនOrange Makerគឺកំពុងតែអភិវឌ្ឍន៍និងកំពុងតែសម្លឹងរកទីផ្សារក្នុងការលក់ផលិតផលនេះ។
Helios One HL 3D printerនិងត្រូវបានដាក់លក់ក្នុងពេលឆាប់ៗនេះនៅលើគេហទំព័ររបស់Orange Maker website ផ្ទាល់ និង ត្រូវបានដាក់លក់នៅក្នុងទីផ្សារប្រហែលឆ្នាំក្រោយនេះ។ ខាងក្រោមនេះជាវីដេអូដែលបង្ហាញពី Helios One HL 3D printer៕
ប្រភព៖ 3D Printer World