ថ្មីៗនេះ ក្រុមហ៊ុន Facebookបាននឹងកំពុងតែធ្វើការតេសប៊ូតុង ‘Buy Button’របស់ខ្លួន ដែលនិងអនុញ្ញាត្តិអោយអ្នកធ្វើការទិញនូវទំនិញដោយផ្ទាល់នៅលើគេហទំព័ររបស់ Facebook ដោយមិនបានចាក់ចេញទៅកាន់គេហទំព័រផ្សេងទៀតឡើយ។
លក្ខណៈថ្មីនេះអាចអោយអ្នកធ្វើការទិញទំនិញក្នុងគេហទំព័រនៅក្នុងគេហទំព័រ Facebook លើទំព័រ news feed, ក្នុង Facebook post និង adverts។
ជំនួសអោយការចុចលើ linkទៅកាន់គេហទំព័ររបស់អ្នកលក់ដើម្បីទិញអ្វីមួយ ឥឡូវនេះគឺអ្នកគ្រាន់តែធ្វើបែបនេះនៅក្នុងគេហទំព័រ Facebookក៏បាន ដោយមិនចាំបាច់ចំណាយពេលក្នុងការដំណើរការច្រើនដំណាក់ដោយសារតែទិញឥវ៉ាន់មួយមុខនោះទេ។ ក្រុមហ៊ុនក៏បានបញ្ជាក់ផងដែរថាលក្ខណៈថ្មីនេះគឺពិតជាមានសុវត្ថិភាព មិនមានការក្លែងបន្លំនោះទេ។
ក្នុងអំឡុងពេលនេះ ក្រុមហ៊ុននិងមិនគិតថ្លៃ ឬ សេវាកម្មចំពោះសារជីវកម្ម និង ក្រុមហ៊ុនណាដែលប្រើBuy Button នោះទែ។ ប៉ុន្តែក្រុមហ៊ុននិងគិតសេវានៅថ្ងៃអនាគត់ ប្រសិនបើសេវានេះមានប្រជាប្រិយភាព។
ការធ្វើតេសសាកល្បងនៃFacebook Buy Button ថ្មីនេះគឺបានប្រព្រឹត្តនៅក្នុងសហរដ្ឋអាមេរិកហើយយើងសន្មត់ថាការតេសនេះនិងមានដំណើរការល្អ ហើយលក្ខណៈថ្មីនេះនិងត្រូវបានដាក់អោយប្រើប្រាស់ក្នុងពេលឆាបៗនេះ៕
ប្រភព៖ TechCrunch , TechMeme