ទូរស័ព្ទរបស់លោកអ្នកតែងតែលឺសំឡេង ឬផ្តល់សំឡេងនៅពេលដែលវាបានទទួល Notification ណាមួយ។ ចុះប្រសិនបើ នៅពេលដែលលោកអ្នកធ្វើការងាររវល់នៅលើកុំព្យួទ័ររបស់លោកអ្នក តើលោកអ្នកត្រូវទៅលើកទូរស័ព្ទរបស់លោកអ្នក ធ្វើការ Unlock វាបន្ទាប់មកចុចលើ Notification មែនដែរឬទេ? ពេលនេះវាលែងជាក្តីរំខានទៀតហើយ លោកអ្នកអាចធ្វើការបញ្ជូន Android Notification នេះដាក់នៅលើកុំព្យួរទ័ររបស់លោកអ្នកបានហើយ។
យ៉ាងណាមិញ វាអាចប្រើប្រាស់បានសម្រាប់ប្រព័ន្ធប្រតិបត្តិការ Android 4.1 ឡើងទៅ ហើយ Android Notification នេះនឹងបង្ហាញខ្លួនតែនៅលើកម្មវិធី Chrome Browser នៅលើប្រព័ន្ធប្រតិបត្តិការ Windows, Mac OS X, Linux និង Chrome OS។
ការតម្លើង PushBullet
ជាតំបូង សូមលោកអ្នកធ្វើការតម្លើងកម្មវិធី PushBullet នៅលើឧបករណ៍ Android របស់លោកអ្នកដែលលោកអ្នកអាចធ្វើការទាញយកពី Google Play។ ចុចដំណើរការកម្មវិធី PushBullet និងធ្វើការ Signin ជាមួយនឹង Google Account ។
បន្ទាប់មកធ្វើការចុចធីកនៅក្នុង Notification Mirroring Service ដើម្បីអនុញ្ញាត្តិឲ្យកម្មវិធីនេះចែករំលែកទៅកាន់ឧបករណ៍ផ្សេងទៀត។
បន្ទាប់ពីលោកអ្នកបានធ្វើការតម្លើងកម្មវិធី PushBullet រួចរាល់នៅក្នុងឧបករណ៍ Android របស់លោកអ្នកហើយសូមធ្វើការតម្លើង PushBullet Extension នៅលើ Chrome Web Store ដែលស្ថិតនៅក្នុងកុំព្យួទ័ររបស់លោកអ្នក។
ចុចនៅលើ PushBullet icon នៅលើ Chrome Toolbar និង ធ្វើការ Signin ឲ្យដូចទៅនឹង Google Account ដែលលោកអ្នកបានធ្វើការ Signin នៅលើឧបករណ៍ Android។
ការមើល Notification
នៅពេលដែលលោកអ្នកបានធ្វើការតម្លើងចប់សព្វគ្រប់ហើយ Notifications នឹងធ្វើការ Pop Up នៅលើ Windows របស់លោកអ្នកដូចទៅនឹងអ្វីដែលវាបានបង្ហាញនៅលើឧបករណ៍ Android របស់លោកអ្នក។ បន្ទាប់មក PushBulltet នឹងធ្វើការលាក់ពួកវានៅប៉ុន្មាននាទីក្រោយមក ប៉ុន្តែវាត្រូវបានរក្សាទុកនៅក្នុង Chrome Notification Center ។
លោកអ្នកក៏អាចធ្វើការកំណត់លក្ខខ័ណ្ឌមួយចំនួននៅលើ PushBullet Extension បានផងដែរ។
លើសពីនេះទៅទៀត PushBullet មិនត្រឹមគ្រាន់តែជា Notifications នោះទេ។ លោកអ្នកអាចប្រើប្រាស់វាដើម្បីធ្វើការផ្ញើរសារ Links ការបញ្ជូន Files, Locations និង Data ជាច្រើនទៀតពីកុំព្យួទ័ររបស់លោកអ្នកទៅកាន់ស្មាតហ្វូនរបស់លោកអ្នកវិញបានផងដែរ។
លោកអ្នកក៏អាចធ្វើការផ្ញើរសារបានតាមរយៈ PushBullet បានផងដែរ ប៉ុន្តែលោកអ្នកត្រូវប្រើប្រាស់ជាមួយនឹង Mighty Text ទើបលោកអ្នកអាចធ្វើការផ្ញើរសារបាន។
សរុបមក PushBullet គឺជាកម្មវិធីនៅលើរបស់ Google ដែលវាមិនត្រឹមតែឲ្យ Android និងChrome ធ្វើការជាមួយគ្នាបាននោះទេ វាថែមទាំងផ្តល់នូវសេវាកម្មផ្សេងទៀតដែលលោកអ្នកមិនដែលបានដឹងអំពីវា។