កាលពីខែឧសភា ក្រុមហ៊ុន Oppo បានធ្វើការប្រកាស់នូវស្មាតហ្វូនមួយម៉ូដែលរបស់ខ្លួនដែលមានឈ្មោះថា Oppo N1 Mini ប៉ុន្តែក្នុងពេលនោះក្រុមហ៊ុនមិនបានធ្វើការបង្ហាញនូវលក្ខណៈសម្បត្តិដែលមាននៅលើស្មាតហ្វូននោះទេ។ ជាការពិតណាស់ នាពេលនេះដែររឿងអាថ៌កំបាំងនេះក៏បានទំលាយនូវពត៌មានលម្អិតនៃ Oppo N1 Mini នេះដែលរួមមានលក្ខណៈសម្បត្តិក៏ដូចជាតម្លៃរបស់វា។
ឧបករណ៍ស្មាតហ្វូនម៉ូដែល Oppo N1 ត្រូវបានរចនាឡើងដោយបំពាក់មកជាមួយនិងអេក្រង់ទំហំ 5 អ៊ីងប្រភេទ HD display ជាមួយអង្គប្រតិបត្តិការប្រភេទ quad-core Qualcomm Snapdragon 400 chipset ដែលមានល្បឿន 1.6GHz Cortex-A7 ក្រាហ្វិកប្រភេទ Adreno 305 GPU និង មានវិមាត្រ 148.4 x 72.2 x 9.2មម និង ទម្ងន់ត្រឹមតែ 160 ក្រាមប៉ុណ្ណោះ។
មិនត្រឹមតែប៉ណ្ណោះវាមានអង្គចងចាំRAMទំហំ 2GB និងម៉េមូរីដែលមានស្រាប់នៅក្នុងម៉ាស៊ីនទំហំ 16GB ក៏ដូចជាកាមេរ៉ាទំហំ 13MP ។ បន្ថែមទៅទៀតនោះវាមានបច្ចេកវិទ្យា Wi-Fi, Bluetooth 4.0, GPS, 4G LTE, ថាមពលថ្ម 2,140 mAhនិងដំណើរការលើប្រព័ន្ធប្រតិបត្តិការប្រភេទ Color OSដែលផ្អែកលើ Android 4.3 Jelly Bean OS។
ចំពោះតម្លៃវិញ វាត្រូវបានដាក់លក់ក្នុងប្រទេសម៉ាឡេស៊ីក្នុងតម្រលៃ RM 1,398 (ប្រហែលជា $438) ហើយការដាក់លក់នៅលើទីផ្សារក្នុងប្រទេសដ៏ទៃគឺប្រហែលជាក្នុងពេលឆាប់ៗនេះ៕
ប្រភព៖ Oppo , Oppo (Facebook)