ទូរស័ព្ទស្មាតហ្វូនម៉ូដែល Moto X គឺថ្វីត្បិតតែមានចំណាស់បន្តិចមានប៉ុន្តែវានៅតែជាផលិតផលស្តង់ដានិងមានការគាំទ្រច្រើនពីសំណាក់អ្នកប្រើប្រាស់។ ថ្វីត្បិតតែវាមានកម្រិតថាមពលថ្ម 2,200 mAh ក៏ពិតមែន ប៉ុន្តែប្រសិនបើអ្នកគិតថាវាគឺមិនគ្រប់គ្រាន់សម្រាប់ប្រើប្រាស់ប្រចាំថ្ងៃ នាពេលនេះសូមងាកមករកនូវឧបករណ៍ថ្មីមួយដែលជាស្រោមការពារទូរស័ព្ទដែលមានឈ្មោះថា Mugen។
ថ្មីៗនេះក្រុមហ៊ុន Mugen បានធ្វើការដាក់បង្ហាញនូវស្រោមទូរស័ព្ទស្មាតហ្វូនម៉ូដែល Moto X ដែលវាមិនត្រឹមតែអាចធ្វើការបន្ថែមនូវថាមពលថ្មបានរហូតដល់កម្រិត 2,800 mAh ផងដែរវាក៏បានបន្ថែមនូវរន្ធ microSD card សម្រាប់ពង្រីកទំហំបន្ថែម។
ដើម្បីធានាថាវាដំណើរការបានដោយរលូនក្រុមហ៊ុន Mugen ក៏បានផ្តល់អនុសាសន៍ដែថាទូរស័ព្ទស្មាតហ្វូន Moto X ត្រូវតែដំណើរការដោយប្រព័ន្ធប្រតិបត្តិការចាប់ពី Android 4.4.2 ឡើងទៅ។ បើមិនដូចច្នេះទេអ្នកត្រូវបានពឹងផ្អែកទៅលើកម្មវិធីទីបីដើម្បីប្រើនូវរន្ធ microSD card នេះ៕
ប្រភព៖ Mugen