បើទោះបីជាថេប្ល៊េតម៉ូដែល Pantech Pop Up Note គឺមិនទាន់ប្រកាស់ជាផ្លូវការដោយក្រុមហ៊ុន Pantech ក៏ប៉ុន្តែ Pop Up Note ត្រូវបានលេចធ្លាយនូវវីដេអូមួយដែលបានអមមកជាមួយនិងរូបភាព និងលក្ខណៈសម្បត្តិមួយចំនួនរបស់វា។
Pantech Pop Up Note មានអេក្រង់ទំហំ 5.5 អ៊ីងប្រភេទ Full HD LCD display និងគ្រប់គ្រងដំណើរការដោយអង្គប្រតិបត្តិការប្រភេទ Snapdragon 800 quad-core processor ដែលមានល្បឿន 2.3 GHz ដែលអាចប្របានជាមួយនិងក្រាហ្វិកប្រភេទ Adreno 330 graphics chip និង អង្គចងចាំទំហំ 2GB នៃ RAM។
ឧបករណ៍ថ្មីនេះគឺត្រូវបានរចនាឡើងយ៉ាងពិសេសដោយបានបំពាក់ឡើងដោយបរិក្ខាបច្ចេកវិទ្យាកម្រិតស្តង់ដាខ្ពស់ និង មានគុណភាពល្អ ដោយនៅលើបន្ទះ Board ត្រូវបានភ្ជាប់មកជាមួយនិងទំហំនៃការផ្ទុកម៉េមូរី 16GB ហើយវាក៏អាចពង្រីកទំហំបានតាមរយះរន្ធ microSD card ដែលអាចពង្រីកទំហំបានរហូតដល់ទំហំ 32 GB។ បន្ថែមទៅទៀតនោះ នៅផ្នែកខាងមុខនៃ Pantech Pop Up Note គឺត្រូវបានបំពាក់មកជាមួយនិងកាមេរ៉ាទំហំ 2.1 មេហ្កាភិចស៊ែល សម្រាប់ វីដេអូខល និង នៅផ្នែកខាងក្រោយមានកាមេរ៉ាទំហំ 13 មេហ្កាភិចស៊ែលសម្រាប់ចាប់យករូបភាព និង វីដេអូ។ ប៉ុន្តែមិនមានពត៌មានណាមួយបានបញ្ជាក់ពីតម្លៃ និង ទីផ្សារដែលវាត្រូវបានដាក់លក់នោះទេ៕
ប្រភព៖ G for Games