កន្លងទៅរយះពេល12ខែទៅនេះ មានពាក្យចចាមអារ៉ាមជាច្រើនបាននិយាយពីថេប្ល៊េតម៉ូដែល HTC Nexus 8 ប៉ុន្តែក្នុងសប្តាហ៍នេះដែរមានការបែកធ្លាយនូវលក្ខណៈសម្បត្តិរបស់វា។
ពត៌មានលេចធ្លាយចុងក្រោយនេះបានបង្ហាញថា HTC Nexus 8 ត្រូវបានបំពាក់មកជាមួយនិងកាមេរ៉ាមុខទំហំ 1.6 មេហ្កាភិចស៊ែលសម្រាប់វីដេអូខល កាមេរ៉ាក្រោយមានទំហំ 8 មេហ្កាភិចស៊ែលសម្រាប់ចាប់យករូបភាពនិងវីដេអូ ហើយវាដំណើរការលើប្រព័ន្ធប្រតិបត្តិការចុងក្រោយបំផុតរបស់ Google Android ក្នុងទម្រង់ជា Android L។
លក្ខណៈសម្បត្តិដែលបានលេចធ្លាយកាលពីម្សិលមិញរូមមានអេក្រង់ទំហំ 8.9 អ៊ីង ជាមួយនិង Resolution កម្រិត 2560 x 1600 ភិចស៊ែល គ្រប់គ្រងដំណើរការដោយប្រព័ន្ធប្រតិបត្តិការប្រភេទ 64-bit Tegra processor ម៉េមូរីទំហំ 4GB នៃប្រភេទ Elpida ក្នុងទម្រង់ជា 2 x 2GB configuration បច្ចេកវិទ្យា LTE modem និងត្រូវបានដាក់លក់ក្នុងតម្លៃប្រហែលជា $350 ដើម្បីប្រកួតប្រជែងជាមួយនិងម៉ូដែល Samsung Tab S 8.4។
ប៉ុន្តែតម្លៃដែលបានបង្ហាញខាងលើ និង គោលដៅទីផ្សារនៃការចរាចរណ៍ដាក់លក់គឺមិនទាន់បានបញ្ជាក់ដោយក្រុមហ៊ុន HTC នៅឡើយនោះទេ ប៉ុន្តែវាប្រហែលជានិងត្រូវបានដាក់បង្ហាញនៅក្នុងព្រឹត្តិការន៍IFS 2104 ដែលចាប់ផ្តើមនៅខែក្រោយ។ សម្រាប់ពត៌មានបន្ថែមទាក់ទងនិង HTC Nexus 8 សូមចូលទៅកាន់គេហំព័ររបស់ Arena website រឺក៏ប្រភពខាងក្រោយ៕
ប្រភព៖ UpLeaks (Twitter) : MobilTelefon.ru : RRA : G4Games