កាលពីពេលថ្មីៗនេះ យើងទើបតែទទួលបានព័ត៌មានថ្មីពាក់ព័ន្ធនឹងក្រុមហ៊ុន Microsoft មានគម្រោងដាក់បង្ហាញផលិតផលថ្មី Smartwatch នៅអំឡុងប៉ុន្មានសប្តាហ៍ទៀត។
រូបភាពឧបករណ៍ថ្មីរបស់ក្រុមហ៊ុន Microsoft ទើបតែបានបង្ហាញខ្លួនលើគេហទំព័រ FCC មិនត្រឹមតែជាឧបករណ៍ភ្ជាប់ Bluetooth LE radio ប៉ុណ្ណោះទេ វាថែមទាំងជានាឡិការមុខងារពិសេស។
ក្រុមហ៊ុន Microsoft បានឱ្យដឹងថា ខ្លួនបានធ្វើការផ្តោតយ៉ាងខ្លាំងលើផ្នែកកីឡា រក្សាសុខភាព និងត្រួតពិនិត្យសុខភាពដោយប្រើនាឡិការថ្មីមួយនេះ។
Smartwatch របស់ក្រុមហ៊ុន Microsoft
គេហទំព័រ FCC បានបង្ហាញថា នាឡិការដែលនឹងត្រូវដាក់បង្ហាញនេះមានអេក្រង់ប្រភេទតូច មធ្យម និងធំ ។ក្រុមការងារ FCC បានធ្វើការសាកល្បងលើម៉ូដែលមានអេក្រង់កាន់តែធំ ហើយរកឃើញថា វាមានលក្ខណៈខុសគ្នារវាងទំហំ មុខងារ និងតួនាទីរបស់ឧបករណ៍ផងដែរ។
អ្នកគាំទ្រភាគច្រើន កំពុងទន្ទឹងរង់ចាំមើលផលិតផលថ្មីរបស់ក្រុមហ៊ុន Microsoft ដែលគេរំពឹងទុកថា វានឹងមានសមត្ថភាពអាចប្រើប្រាស់ជាមួយប្រព័ន្ធដំណើរការ iOS របស់ Apple ប្រព័ន្ធដំណើរការ Android របស់ Google និងប្រព័ន្ធដំណើរការ Windows Phone របស់ក្រុមហ៊ុន Microsoft ខ្លួនឯងជាដើម។
ប្រភព៖Tech