Android Lollipop បានបង្ហាញខ្លួនជាមួយនឹងកិត្យានុភាពគ្រាន់តែដាក់បង្ហាញចេញជាផ្លូវការភ្លាមនោះ មានក្រុមហ៊ុនទូរស័ព្ទធំៗប្រកាសផ្លាស់ប្តូរប្រព័ន្ធដំណើរការនេះយ៉ាងចំហ។
ក្រុមហ៊ុន LG នឹង update software ប្រព័ន្ធដំណើរការថ្មី Android Lollipop ក្រោយពីក្រុមហ៊ុនកូរ៉េខាងត្បូងបានប្រកាសលើសន្និសីទកាសែតរួចរាល់។
ដំបូង Android 5.0 នឹងមានដំណើរការលើទូរស័ព្ទ Nexus 5 និង Nexus 7 ហើយលើទូរស័ព្ទ LG G3 នោះនឹងប្រើប្រព័ន្ធដំណើរការនេះបន្ទាប់។ យោងតាមប្រភពព័ត៌មានរបស់ក្រុមហ៊ុន LG បានបង្ហាញឱ្យឃើញថា សម្រាប់ទូរស័ព្ទ G3 នឹងមានសមត្ថភាពប្រើ Android upgrade ទៀតផង។
ទូរស័ព្ទ LG G3 ជាទូរស័ព្ទដែលមានសមត្ថភាពពិសេសមិនចាញ់ទូរស័ព្ទទំនើបៗល្បីៗនោះ នឹងប្តូរចំណាប់អារម្មណ៍ថ្មីរបស់អ្នកប្រើប្រាស់បន្ទាប់ពីបាន upgrade ជាមួយ Android Lollipop។
Android Lollipop នឹងផ្លាស់ប្តូរការបង្ហាញរបស់ទូរស័ព្ទ LG ទាំងល្បឿនរបស់ប្រព័ន្ធដំណើរការ និងការផ្លាស់ប្តូរកម្មវិធី។
យោងតាមព័ត៌មានថ្មីលើគេហទំព័រអង់គ្លេសបានបង្ហាញឱ្យឃើញថា Android 5.0 នឹងមានដំណើរការពិតប្រាកដលើទូរស័ព្ទ LG នៅដើមចុងខែវិច្ឆិការ និងដើមខែធ្នូ៕
ប្រភព៖ LG