ព័ត៌មានមុនបានចុៈផ្សាយពី iPad Pro បំពាក់អេក្រង់ទំហំ 12.9 អ៊ីងកាន់តែធំត្រៀមបង្ហាញខ្លួន តែត្រូវបានលើកពេល ព្រោះក្រុមហ៊ុន Apple បានផ្តោតសំខាន់លើផលិតផល iPhone 6 មុនសិន។
យោងតាមរបាយការណ៍ថ្មីៗបានលើកបញ្ជាក់ថា ក្រុមហ៊ុន Apple បានផលិតម៉ូដែលថ្មីមានអេក្រង់ទំហំ 12.9 អ៊ីង ត្រៀមដាក់បង្ហាញនៅឆ្នាំ 2015។
តាមការលើកឡើង ម៉ូដែល iPad Pro នឹងមិនបង្ហាញខ្លួនលុៈដល់ខែមេសា ឬឧសភា ក្នុងឆ្នាំ 2015។ យោងតាមសេខក្តីថ្លែងការបានលើកឡើងថាក្រុមហ៊ុន Apple មានគម្រោងដាក់បង្ហាញនាឡិការមានមុខងារពិសេសមុនពេលបង្ហាញ iPad Pro។
iPad Pro ជាម៉ូដែលថ្មីដែលបំពាក់មកជាមួយអេក្រង់ទំហំ 12.9 អ៊ីង និងត្រូវបានគេរំពឹងទុកថាវានឹងភ្ជាប់អេក្រង់ប្រភេទ Quad HD display ដែលមានកម្រិតបង្ហាញ 2560 x 1440 ភិចសែល។
ក្រុមហ៊ុន Apple បានបង្ហាញប្រព័ន្ធខួរក្បាល A8X (processor) របស់ក្រុមហ៊ុន Apple លើ iPad Air 2 ជាមួយនឹងល្បឿនប្រើប្រាស់លើនហួសពីការរំពឹងទុក។ iPad Pro អាចត្រូវបានគេជ្រើសរើសប្រព័ន្ធដំណើរការនេះយកមកប្រើដែរ ដែលថែមទាំងល្បីថាវានឹងភ្ជាប់មកជាមួយអង្គចងចាំទំហំ 2GB ( RAM)។
ប្រភពៈ Apple