ពិតជាគួរឱ្យភ្ញាក់ផ្អើលខ្លាំងណាស់ ដែលទូរស័ព្ទ Xiaomi ទើបតែមានវត្តមានលើទីផ្សារ ប៉ុន្តែសន្ទុះនៃការលក់ទាំងលើ Online ពិតជាទទួលបានផលខ្ពស់។ Xiaomi Redmi Note 4G ដាក់លក់ភ្លាមមានការប្រជែងទិញពីសំណាក់អ្នកប្រើស្មាតទូរស័ព្ទ។
ការបន្តដាក់លក់ទូរស័ព្ទ Xiaomi ចេះតែមានជាបន្តបន្ទាប់ក្រោយពីបានដឹងពីគុណភាពនៃការប្រើប្រាស់ របស់ទូរស័ព្ទនេះ។
ក្រោយពីបានដាក់លក់ទូរស័ព្ទ Xiaomi លោក Manu Kumar Jain បានប្រកាសជាសាធារណះលើ Twitter ថាទូរស័ព្ទថ្មីនេះដាច់ស្តុក។ ការដាក់លក់សាកល្បង40,000 គ្រឿង អស់ភ្លាមៗដែលជាហេតុនាំអោយមានការដាក់បង្ហាញជាថ្មី ជាមួយនឹងចំនួនកាន់តែច្រើនជាងមុន។
គុណសម្បត្តិពិសេស
Redmi Note 4 បំពាក់អេក្រង់ទំហំ 5.5- អ៊ីង ប្រភេទ HD IPS មានល្បឿន 1.6GHz។ ទូរស័ព្ទនេះមានដំណើរការដោយប្រព័ន្ធខួរក្បាល Qualcomm Snapdragon 400 MSM8928 (processor)។ វាមានអង្គផ្ទុកទិន្ន័យទំហំ 8GB ជាមួយនឹងការភ្ជាប់កាត microSD អាចបន្ថែមមេម៉ូរ៉ីបានដល់ទៅ 32GB ។ ក្នុងការថតយករូបភាព និងវីដេអូររបានច្បាស់ ទូរស័ព្ទនេះភ្ជាប់កាមេរ៉ាទំហំ 13MP និងកាមេរ៉ាមុខទំហំ 5MP ។ ទូរស័ព្ទនេះកាន់តែងាយស្រួលប្រើប្រាស់ដោយវាប្រើថ្មមានថាមពល 3100mAh ។ ពិសេសបន្ថែមទៀតទូរស័ព្ទនេះ ប្រើប្រាស់ប្រព័ន្ធដំណើរការ MIUI OS របស់ Xiaomi ផ្ទាល់។
ប្រភព៖ Xiaomi