អ្វីដែលជាចំណុចទាក់ទាញដ៏ខ្លាំងក្លារបស់ HUAWEI G7 នោះគឺ រូបរាង ថ្ម កាមេរ៉ា និងល្បឿនអ៊ីនធើណេតលឿនអស់ស្ទះ។ បើនិយាយពីរូបរាងគឺទាក់ទាញ ស្តើង ស្រាល មាំ ជាមួយនឹងតួទាំងមូលស្រោបលោហធាតុដែលមាំ ធុន មិនរបកថ្នាំ ឬទន់ដោយប្រើជ័រទន់ ឬជ័រស្រួយ ឬសម្ភារៈដែលងាយបែក ឬខូចដោយគ្រាន់តែបាញ់ថ្នាំពណ៌អ៊ីណុកដូចម៉ាកផ្សេងៗ។
ជាពិសេស កាមេរ៉ាកាន់តែអ៊ែមជាមួយនឹងកាមេរ៉ាសែលហ្វីអស់ទាស់ និងមុខងារទំនើបៗ ថ្មី។ បើនិយាយពីថ្មវិញ គឺវ៉ាដាច់ម៉ាកផ្សេងៗដែលប្រើបានតែកន្លះថ្ងៃ ឬពីព្រឹកដល់រសៀល មិនអាចធៀប HUAWEI G7 ដែលអាចប្រើពីព្រឹកដល់ល្ងាច ឬយប់។
គួរកត់សម្គាល់ថា HUAWEI ឌឺម៉ាចាស់ដៃ តាមរយៈការចេញម៉ូដែលកាលីបៗ ថ្មីៗ ធានាថាយុវវ័យសម័យស្មាតហ្វូននេះ នឹងនាំគ្នាផ្អើលមកប្រើគ្រប់ៗគ្នាក្នុងទីផ្សារកម្ពុជាចុងឆ្នាំ ២០១៤ នេះ ដោយចាប់ផ្តើមពី HUAWEI Mate 7, Honor 6 និងចេញស៊េរីកាចៗបន្ថែមទៀតក្នុងឆ្នាំ ២០១៥ ដូចជា៖ G7, Honor 6 plus, X2, P8, Mate 8, G8 ដើម្បីផ្តួលម៉ាកផ្សេងៗទៀត ដែលមានអត្ថប្រយោជន៍ប្រហាក់ប្រហែល ឬអន់ជាង តែតម្លៃថ្លៃជាងគ្មានបានប្រយោជន៍។ អត្ថប្រយោជន៍ និងសមត្ថភាពមិនធម្មតារបស់ HUAWEI G7 មានត្រួសៗដូចជា៖ អេក្រង់ធំពេញភ្នែក ទំហំ ៥,៥ អ៊ីញ HD IPS LTPS Display (1280X720 pixels) អង្គប្រតិបត្តិការ Quad-core Qualcomm MSM8916 12.GHz ល្បឿនអង្គចងចាំ RAM:
2GB និងទំហំផ្ទុកទិន្នន័យ ROM 16GB និងអាចបន្ថែមអង្គចងចាំរហូតដល់ 32GB ជាពិសេសបច្ចេកវិទ្យាទំនើបៗនៃកាមេរ៉ាដែលមានទំហំ 13PM និង 5MP ដោយបំពាក់បច្ចេកវិទ្យាថតរូបលឿនដោយមិនចាំបាច់បើកទូរស័ព្ទ (Ultra snapshot) ត្រឹមតែ១,៤ វិនាទី កាមេរ៉ាមុខថតសែលហ្វីផ្តេកទ្រវែង បានទូលាយច្បាស់ និងកាមេរ៉ាក្រោយថត Panorama ផ្តេកទ្រវែង និងបញ្ឈរ។
ជាងនេះទៅទៀត កាមេរ៉ាបានបន្ថែមនូវមុខងារថ្មីៗ ដូចជា មុខងារថតរូបស្អាត បញ្ជាដោយសំឡេង ថតរូបជាប់ជាមួយសំឡេង ១០វិនាទី រួមទាំងវីដេអូមានមុខងារថត All focus។
ដោយសារតែយុវវ័យសម័យស្មាតហ្វូននាំគ្នាផ្អើលប្រើ HUAWEI G7 យ៉ាងភ្លូកទឹកភ្លូកដី ជាពិសេសក្រុមអ្នក high class ចង់ទិញ និងប្រើបែបនេះហើយ ទើបធ្វើឲ្យ HUAWEI G7 លក់អស់២០០០គ្រឿង ត្រឹមតែ៧ថ្ងៃបន្ទាប់ពីនាំចូលមកលក់ក្នុងដើមសប្តាហ៍នេះ មាន ពីរពណ៌ ទឹកប្រាក់ ពណ៌ខ្មៅ ស៊ីម១ ដែលមានលក់សព្វថ្ងៃនេះ និងស៊េរីខ្ពស់ពណ៌ទឹកប្រាក់ស៊ីម២ ក្នុងពេលឆាប់ៗនេះ។
អំពីក្រុមហ៊ុន Huawei Consumer BG
ជាមួយនឹងមជ្ឈមណ្ឌលស្រាវជ្រាវ និងអភិវឌ្ឍន៍ ចំនួន ១៦ នៅក្នុងប្រទេសជាច្រើន រួមមាន ប្រទេសអាល្លឺម៉ង់ ស៊ុយអែត អាមេរិក បារាំង អ៊ីតាលី រុស្ស៊ី ឥណ្ឌា និងចិន ផលិតផល និងសេវាកម្មរបស់ក្រុមហ៊ុន Huawei ពង្រីកដល់ជាង ១៧០ ប្រទេស កំពុងបម្រើមួយភាគបី នៃចំនួនប្រជាជនសរុបក្នុងពិភពលោក។ នៅឆ្នាំ ២០១៤ ការនាំចេញស្មាតហ្វូនរបស់ក្រុមហ៊ុន Huawei បានជាប់លំដាប់ថ្នាក់លេខបីនៅលើពិភពលោក។ គ្រុបអាជីវកម្មមួយ ក្នុងចំណោមគ្រុបអាជីវកម្មបីរបស់ក្រុមហ៊ុន Huawei មានដូចជា គ្រុបអាជីវកម្មសម្រាប់អតិថិជន Huawei (BG) ដែលចែកចាយនូវផលិតផល រួមមាន ទូរស័ព្ទដៃ ឧបករណ៍អ៊ីនធើណេតតាមទូរស័ព្ទ (MBB) និងឧបករណ៍អ៊ីនធើណេតតាមផ្ទះ។ ជាមួយនឹងបទពិសោធន៍អាជីវកម្មដ៏លើសលប់ផ្នែកបច្ចេកវិជ្ជាព័ត៌មាន និងទូរគមនាគមន៍(ICT) អស់រយៈពេលជាង២០ឆ្នាំ ជាបណ្តាញសកលដ៏ទូលំទូលាយ ប្រតិបត្ដិការអាជីវកម្មលំដាប់ពិភពលោក ព្រមទាំងជាដៃគូដ៏មានបទពិសោធន៍ គ្រុបអាជីវកម្មសម្រាប់អតិថិជន Huawei (BG) បានប្តេជ្ញាពាំនាំយកបច្ចេកវិជ្ជាចុងក្រោយបំផុត ជូនដល់អតិថិជន ផ្តល់ជូនពិភពលោកនូវលទ្ធភាពនានា និងការបង្កើតបទពិសោធន៍ដ៏អស្ចារ្យសម្រាប់អ្នកប្រើប្រាស់គ្រប់ទីកន្លែង៕
សម្រាប់ព័ត៌មានបន្ថែម សូមចូលទៅកាន់គេហទំព័រ៖ consumer.huawei.com
អត្តបទ៖ ក្រុមហ៊ុន