ភ្នំពេញ៖ នៅថ្ងៃព្រហស្បត្តិ៍ ទី ១៩ ខែ មីនា ឆ្នាំ ២០១៥ ក្រុមហ៊ុនសាមសុង បានសម្ពោធ លក់ផលិតផលថ្មី ម៉ាស៊ីនបោកសម្លៀកបំពាក់ដ៏ប្រណិត Samsung Activ Dual Wash នៅឯសាខាស៊ុនស៊ីម៊ិចកូផ្លូវម៉ៅសេទុង ដែលមានការចូលរួមយ៉ាងច្រើនកុះករពីសំណាក់អតិថិជននិងដៃគូអាជីវកម្មសំខាន់ៗ លើផ្នែកផ្គត់ផ្គង់សម្ភារៈប្រើប្រាស់អេឡិចត្រូនិកក្នុងគេហដ្ឋាន ។
បរិយាកាសពោរពេញទៅដោយការរចនាតុបតែងពណ៌ផ្ទៃមេឃខៀវស្រស់ត្រកាល នាព្រឹកនោះ បានរំលេចនូវភាពស្រស់សង្ហារបស់ ម៉ាស៊ីនបោកសម្លៀកបំពាក់ Activ Dual Wash ដែលជាម៉ាស៊ីនបោកសំលៀកបំពាក់ទំនើបចុងក្រោយរបស់ Samsung ដែលធ្វើឲ្យកម្មវិធីទាំងមូលរិតតែមានបរិយាកាសសប្បាយរីករាយ។ទន្ទឹមនឹងនេះ លោកស្រី ព្រីម៉ាវ៉ារីន (Premawarin) អគ្គនាយកសាមសុង អេឡិចត្រូនិក ប្រចាំព្រះរាជណាចក្រ កម្ពុជា បានមានប្រសាសន៍ថា «ម៉ាស៊ីនបោកសម្លៀកបំពាក់ Samsung Activ Dual Wash គឺជាដំណោះស្រាយថ្មីសម្រាប់គ្រួសារទាន់សម័យ វាផ្តល់នូវភាពងាយស្រួលដល់អ្នកប្រើប្រាស់ ដោយសន្សំសំចៃពេលវេលា ក្នុងការបោកសម្លៀកបំពាក់ដែលប្រលាក់ខ្លាំងនៅក្នុងទម្រជ័រ ដែលជាចានបោកភ្ជាប់មកជាស្រេចក្នុងម៉ាស៊ីនបោកសម្លៀកបំពាក់តែមួយ»។
លោក តាំង សុធារិទ្ធិ អ្នកតំណាង ក្រុមហ៊ុន ស៊ុនស៊ីម៉ិចកូ ក៏បានថ្លែងអំណរគុណ ក្រុមហ៊ុន សាមសុង ដែលជាដៃគូរពាណិជ្ជកម្មធំជាងគេនៅកម្ពុជា ក៏ដូចជាទូទាំងពិភពលោក ជាមួយនឹងគំនិតច្នៃប្រឌិត បង្កើតនូវផលិតផលអេឡិចត្រូនិកប្រើប្រាស់ក្នុង គេហដ្ឋាន ក៏ដូចជា ទូរទស្សន៍ស្មាតហ្វូនកុំព្យូទ័រផ្ទាល់ខ្លួនកុំព្យូទ័រលើតុម៉ាស៊ីនថតរូបឧបករណ៍ផ្ទះបាយម៉ាស៊ីនថតចម្លងឧបករណ៍វេជ្ជសាស្ត្រនិងឧបករណ៍ផ្សេងៗជាច្រើនទៀត ដែលតែងតែនាំមកនូវផលិតផលទំនើបៗ និងផ្តល់នូវភាពងាយស្រួលដល់អ្នកប្រើប្រាស់ ហើយក្នុងចំណោមផលិតផលអេឡិចត្រូនិកទាំងអស់ដែលមានដាក់លក់នៅក្នុងក្រុមហ៊ុន ស៊ុនស៊ីម៊ិចកូ ផលិតផល Samsung គឺជាផលិតផលដែលលក់ដាច់ជាងគេនៅកម្ពុជា។
យើងក៏ឃើញមានវត្តមានតារាសម្តែងល្បី កញ្ញា មាន សូនីតា និង តារាចម្រៀងល្បីប្រចាំព្រះរាជាណាចក្រកម្ពុជា លោក ឆន សុវណ្ណារាជ ជាអ្នកបើកសម្ពោធ ម៉ាស៊ីនបោកសម្លៀកបំពាក់ Samsung Activ Dual Wash ដែលធ្វើឲ្យអ្នកចូលរួមទាំងអស់មានការភ្ញាក់ផ្អើលចំពោះវត្តមានតារាល្បីទាំងពីរ ដែលចេញមុខណែនាំម៉ាស៊ីបោកសម្លៀកបំពាក់ថ្មីនេះ។ តារាទាំងពីរដួងក៏បានប្រកាស់ណែនាំឲ្យប្រជាជនកម្ពុជា ក៏ដូចជាអ្នកគាំទ្ររបស់ខ្លួនប្រើប្រាស់ម៉ាស៊ីនបោកសម្លៀកបំពាក់ សាមសុងស៊េរីថ្មីនេះដើម្បីភាពងាយស្រួយ សម្លៀកបំពាក់កាន់ស្អាត និងជីវិតកាន់តែស៊ីវីល័យ។
ម៉ាស៊ីនបោកសម្លៀកបំពាក់ Samsung Activ Dual Wash មាន 9ប្រភេទ ចាប់ពី 10 គីឡូ រហូតដល់ប្រភេទ 16 គីឡូ ដែលអាចបំពេញគ្រប់តម្រូវការបោកសម្លៀកបំពាក់ របស់ប្រជាជនកម្ពុជា….
Samsung Activ Dual Wash កាន់តែងាយស្រួល កាន់តែស្អាត។
អំពីក្រុមហ៊ុន Samsung Electronics co., Ltd
គឺជាក្រុមហ៊ុននាំមុខគេលើពិភពលោកផ្នែកបច្ចេកវិជ្ជាដោយផ្តល់លទ្ធភាពថ្មីៗជូនមនុស្សគ្រប់រូបគ្រប់ទីកន្លែង។តាមរយៈការបង្កើតថ្មីនិងរបកគំហើញឥតឈប់ឈរយើងកំពុងតែផ្លាស់ប្តូរឲ្យកាន់តែប្រសើរឡើងនូវពិភពទូរទស្សន៍ស្មាតហ្វូនកុំព្យូទ័រផ្ទាល់ខ្លួនកុំព្យូទ័រលើតុម៉ាស៊ីនថតរូបឧបករណ៍ផ្ទះបាយម៉ាស៊ីនថតចម្លងប្រព័ន្ធ LTE ឧបករណ៍វេជ្ជសាស្ត្រឧបករណ៍ផ្សេងៗប្រើប្រព័ន្ធអគ្គិសនីនិងដំណោះស្រាយផ្សេងៗប្រើប្រព័ន្ធ LED។យើងមានបុគ្គលិកចំនួន286.000 នាក់នៅទូទំាង 80 ប្រទេសដោយមានបរិមាណលក់ប្រចាំឆ្នាំចំនួន 216.7 ពាន់លានដុល្លារអាមេរិក។
ព័ត៌មានបន្ថែមសូមមើលគេហទំព័រ www.samsung.com។