ភ្នំពេញ៖ ក្រុមហ៊ុនសាមសុង បានសម្ពោធផលិតផលថ្មី ដែលទទួលបានពានរង្វាន់ក្នុងពិពណ៌អេឡិចត្រូនិកពិភពលោក CES 2015 របស់ខ្លួននោះគឺ 4K SUHD TV ដែលទើបតែចេញលក់នៅលើ ទីផ្សារនៃប្រទេសកម្ពុជា នៅថ្ងៃ ទី 7 ខែ ឧសភា ឆ្នាំ 2015 ដើម្បីឆ្លើយតបទៅនឹងសម័យកាលផ្នែកអេឡិចត្រូនិចដែលមានការអភិវឌ្ឍន៍ជឿនលឿន ឥតឈប់ ។
កម្មវិធីសម្ពោធដ៏អធិកអធមនេះត្រូវបានប្រារព្ធឡើង នៅហាងលក់សម្ភារៈអេឡិចត្រូនិក KFour Electronics
ដែលមានការចូលរួមយ៉ាងច្រើនកុះករពីសំណាក់អតិថិជនដែលគាំទ្រផលិតផល សាមសុង បណ្តាដៃគូពាណិជ្ជកម្ម អ្នកសារព័ត៌មាន ព្រមទាំងមន្រ្តីសំខាន់ៗរបស់ក្រុមហ៊ុន Samsung។
បើតាមប្រសាសន៍របស់លោកហ្គីហាន់ លី នាយកគ្រប់គ្រងសាមស៊ុង ថៃអេឡិកត្រូនិច ប្រចាំកម្ពុជា ឡាវ បានលើកឡើងថា៖ “សាមសុងតែងតែនាំមកនូវទូរទស្សន៍ដែលមានគុណភាពរូបភាពល្អផ្តាច់គេ ដែលធ្វើអោយទូរទស្សន៍ Samsung ជាប់ចំណាត់ថ្នាក់លេខ១ក្នុងពិភពលោក រយ:ពេល៩ឆ្នាំជាប់ៗគ្នា ។ សម្រាប់ទូរទស្សន៍ប្រភេទ SUHD នេះ បានផ្តល់ផងដែរ នូវបទពិសោធន៍ល្អ ផ្តាច់គេ សម្រាប់ការកម្សាន្តកាន់តែអស្ចារ្យនៅតាមគេហដ្ឋាន ។ SUHD4K គឺជាប្រភេទទូរទស្សន៍ជំនាន់ថ្មី ដែលអ្នកអាចរីករាយជាមួយនឹងពណ៌ ជម្រៅនៃរូបភាព និងភ្លឺច្បាស់មិនគួរឲ្យជឿ ដែលលោកអ្នកអាចទទួលបានពីទូរទស្សន៍ប្រភេទថ្មី។”
ជាមួយគ្នានោះដែរ ក៏មានការផ្តល់កិត្តិយសចូលរួមពីតារាដ៏ល្បីប្រចាំព្រះរាជាណាចក្រកម្ពុជាគឺលោក ឆន សុវណ្ណារាជ និង កញ្ញា មាន សុនីតា ដែលញ៉ាំងឲ្យ កម្មវិធីទាំងមូលរឹតតែមានភាពអ៊ូអរពីសំណាក់ភ្ញៀវ កិត្តិយស និងអ្នកគាំទ្រតារាទាំងពីរមកចូលរួមយ៉ាងច្រើនកុះករ។ លោកឆន សុវណ្ណារាជ បានមានប្រសាសន៍ ថា “ពេលមើលទូរទស្សន៍ SUHD TV នេះ ខ្ញុំមានអារម្មណ៍ហាក់ដូចជាកំពុងតែមើលភាពយន្តនៅក្នុងរោងកុន។ វាផ្តល់នូវពណ៌ ធម្មជាតិនិង ភ្លឺច្បាស់។”
ទូរទស្សន៍ SUHD បានផ្តល់ភាពភ្លឺច្បាស់ជាងមុនរហូតទៅដល់ 64ដង នៃការបញ្ចេញពណ៍រូបភាព និងទទួលបានពន្លឺភ្លឺជាងមុនដល់ទៅ 2.5ដង លើសពីទូរទស្សន៍ធម្មតា។ វាបានផ្តល់នូវកម្រិតច្បាស់នៃរូបភាពជាមួយនឹងបច្ចេកវិជ្ជាចុងក្រោយបំផុតរបស់ Samsung។
លើសពីនេះទៅទៀត គ្រប់បណ្តា ទូរទស្សន៍SUHD សុទ្ធតែប្រើនូវប្រព័ន្ធ Tizen។ Tizenគឺប្រព័ន្ធប្រតិបត្តិការ ភ្ជាប់ជាមួយនឹងអ៊ីនធឺណែត ដែលផ្តល់នូវកម្មវិធីប្រើប្រាស់ដ៏អស្ចារ្យ ។ នេះគឺជាការបន្ថែមនូវជម្រើសកម្សាន្ត លើសពីអ្វីដែលអ្នករំពឹងទុក ដែលផ្តល់នូវការប្រើប្រាស់ដ៏ទូលំទូលាយ និងការភ្ជាប់ ទំនាក់ទំនងឥតព្រំដែនជាមួយមនុស្សជុំវិញពិភពលោកតាមរយៈឧបករណ៍ដែលអាចផ្តល់នូវការកម្សាន្តគ្រប់ កាលៈទេសៈ។
សូមកុំភ្លេចឈាងចូលទស្សនាទូរទស្សន៍ប្រភេទថ្មីនេះ នៅតាមបណ្តសាខាហាងលក់អេឡិចត្រូនិក ក៏ដូចជា Samsung Brand Shop នានា ទូទាំងព្រះរាជាណាចក្រកម្ពុជា ដើម្បីឲ្យដឹងថាវាល្អស៊ីជម្រៅកម្រិតណា។