ថ្មីៗនេះ ក្រុមហ៊ុនHuawei បានបង្ហាញពីផលិតផលថ្មីរបស់ខ្លួនដែលមានឈ្មោះថា Honor 7 ដែលមានរូបរាងយ៉ាងស្រស់ស្អាត រាងទាន់សម័យ និងជាស្មាតហ្វូនដ៏ឡូយឆាយបំផុតដែលធ្វើឲ្យជីវិតកាន់តែហ៊ឺហា ហើយផ្តល់នូវប្រណីតភាពបំផុត។ កាលពីសប្តាហ៍មុននេះ ក្រុមហ៊ុន Huawei បានបង្ហាញពីវីដេអូប្រម៉ូសិនរបស់ Honor 7 ដែលនឹងត្រូវដាក់លក់ដំបូងគេនៅប៉ែកអ៊ឺរ៉ុប។
សូមទស្សនាវីដេអូ Honor 7 ផ្លូវការ៖
អ្វីដែលកាន់តែពិសេសជាងនេះទៀត ស្មាតហ្វូន Honor 7 នឹងបង្ហាញខ្លួននៅក្នុងកម្មវិធីដ៏ពិសេសមួយនៅចក្រភពអង់គ្លេសថ្ងៃទី ២៧ ខែសីហាខាងមុខនេះ មុនពេលដែលចែកចាយទៅទូទាំងពិភពលោក។ ស្មាតហ្វូននេះមានការរចនាយ៉ាងប្រណីតបំផុតជាមួយនឹងការស្រោបដោយអាលុយមីញ៉ូម អ៊ីណុកមិនច្រេះ និងធន់នឹងការប៉ះទង្គិច។
Honor 7 ជាស្មាតហ្វូនដែលមានអេក្រង់ទំហំ 5.2 អ៊ីងជាមួយនឹងកម្រិតភាពច្បាស់ 1080p TouchScreen មានកាមេរ៉ាខាងក្រោយទំហំ 20 មេហ្គាភិចសែលដែលអាចផ្តិតយករូបភាពបានច្បាស់ និងធម្មជាតិពិតៗដែលសឹងតែគ្មានស្មាតហ្វូនដទៃណាអាចធ្វើបានជាមួយនឹងបច្ចេកវិទ្យាថ្មីៗដែលបានបំពាក់នៅលើស្មាតហ្វូនដ៏ឡូយឆាយមួយនេះ។ មិនត្រឹមតែប៉ុណ្ណោះ ស្មាតហ្វូននេះបំពាក់នូវកាមេរ៉ាមុខទំហំដល់ទៅ 8 មេហ្គាភិចសែលសម្រាប់ថតរូប Selfie ដ៏ស្រស់ស្អាត និងច្បាស់បំផុត។
លើសពីនេះទៀត វាមានបំពាក់ជាមួយនឹងថ្មដែលមានកម្លាំងថាមពលដល់ទៅ 3100mAh មានបំពាក់នូវ CPU ខ្លាំងដល់ទៅ 8 Core Kirin 935 SoC ប្រភេទ Cortex-A53 CPU (ល្បឿន 2.2GHz) និងមាន RAM ទំហំ 3GB ផងដែរ។ វាប្រើប្រាស់ EMOTION UI 3.1 និងប្រព័ន្ធប្រតិបត្តិការ Android 5.0 Lollipop ផងដែរ។
លក្ខណៈពិសេស៖
Network | បច្ចេកវិទ្យា | GSM/ HSPA/ LTE |
រូបរាង | វិមាត្រ | 143.2 x 71.9 x 8.5 mm |
ទម្ងន់ | 157 g | |
ប្រព័ន្ធសុវត្ថិភាព | Fingerprint sensor | |
អេក្រង់ | ប្រភេទ | IPS LCD capacitive touchscreen, 16M colors |
ទំហំអេក្រង់ | 5.2 inches | |
កម្រិត Resolution | 1080 x 1920 pixels | |
Multitouch | Emotion UI 3.1 | |
Platform | OS | Android OS, v5.0 (Lollipop) |
Chipset | HiSilicon Kirin 935 | |
CPU | Quad-core 2.2 GHz Cortex-A53 & quad-core 1.5 GHz Cortex-A53 | |
GPU | Mali-T628 MP4 | |
មេម៉ូរី | Card Slot | microSD (up to 128GB) |
Internal | 16/64 GB, 3 GB RAM | |
កាមេរ៉ា | កាមេរ៉ាមុខ | 8 MP, LED flash, panorama |
កាមេរ៉ាក្រោយ | 20 MP, 5152 x 3888 pixels, phase detection autofocus, dual-LED (dual tone) flash | |
វីដេអូ | 1080p@30fps, HDR | |
Features | Geo-tagging, touch focus, face detection, HDR, panorama | |
ថ្ម | ប្រភេទ | Non-removable Li-Po 3100 mAh |
ពណ៌ | ពណ៌ខ្មៅ ពណ៌ស និងពណ៌មាស |