នៅពាក់កណ្ដាលឆ្នាំ 2015 នេះ ក្រុមហ៊ុនស្មាតហ្វូនលំដាប់ថ្នាក់លេខបីពិភពលោក Huawei បានបញ្ចេញនូវស្មាតហ្វូនពណ៌មាស 05 ស៊េរី ដែលមានរូបរាង និងសមត្ថភាពគួរឲ្យទាក់ទាញស័ក្ដិសមបំផុតសម្រាប់អ្នកប្រើប្រាស់ដែលចូលចិត្តភាពហ៊ឺហាបែបស៊ីវិល័យ។
ស្មាតហ្វូនដែលមានទាំងសមត្ថភាព និងរូបរាងលក្ខណៈ Premium របស់ក្រុមហ៊ុន Huawei Huawei ពណ៌មាសទាំង 05 គ្រឿងនេះរួមមាន៖ P8 GOLD, P8lite GOLD, P8 Max GOLD, X2 GOLD, និង M2 GOLD ។ Huawei ពណ៌មាសទាំង 05 គ្រឿងសុទ្ធតែរចនាឡើងប្រកបដោយ រូបរាងទាន់សម័យសមស្របតាមការពេញនិយមនាពេលបច្ចុប្បន្ន និងស័ក្ដិសមសម្រាប់អ្នកសម្ភារៈនិយមបំផុត។
មិនត្រឹមតែប៉ុណ្ណោះ អ្នកប្រើប្រាស់អាចជ្រើសរើសបានតាមចំណង់ចំណូលចិត្ត តាមរយៈតម្លៃ ទំហំអេក្រង់ ទំហំកាមេរ៉ា ទំហំអង្គចងចាំ ប្រភេទអង្គប្រតិបត្តិការ ប្រព័ន្ធដំណើរការ និងកម្រិត ថាមពលថ្ម។
សម្រាប់អ្នកដែលចូលចិត្តអេក្រង់ធំ ម៉ាស៊ីនដើរលឿន កាម៉េរាច្បាស់ប្រកបដោយភាពច្នៃប្រឌិតខ្ពស់កម្រិតប្រូហ្វេសិនណល និងថាមពលថ្មខ្លាំង P8 Max GOLD និង X2 GOLD ជាជម្រើសដ៏ល្អបំផុត។ ចំណែកកំពូលស្មាតហ្វូន P8 GOLD វិញក៏មានសមត្ថភាពអស្ចារ្យមិនចាញ់ P8 Max GOLD និង X2 GOLD ផងដែរ គ្រាន់តែមានអេក្រង់ទំហំត្រឹមតែ 5.2 អ៊ីញ តូចជាង P8 Max GOLD ដែលមានទំហំ 6.8 អ៊ីញ និង X2 GOLD ទំហំ 7.0 អ៊ីញ។ ហើយអង្គចងចាំរបស់ P8 GOLD មានទំហំរហូតដល់ 3GB RAM/64GB ROM។ ចំពោះ P8lite GOLD មានរាងស្ដើងស្អាត ស្រាល ម៉ាស៊ីនដើរលឿន អាចប្រើប្រាស់អ៊ីនធើណេត 4G LTE បានដូចស្មាតហ្វូនបីប្រភេទខាងលើដែរ ប៉ុន្តែមានតម្លៃធូរថ្លៃជាង។ រីឯ M2 GOLD ដែលនឹងចេញលក់ក្នុងពេលឆាប់ៗនេះ គឺជាអធិរាជនៃសម្លេងដែលបំពាក់ដោយឧបករណ៍ពងសម្លេងពីក្រុមហ៊ុនដ៏ល្បីរបស់សហរដ្ឋអាមេរិក Harman Kardon ស័ក្តិសមបំផុតសម្រាប់អ្នកចូលចិត្តស្ដាប់ចម្រៀង និងមើលវីដេអូ។
ពិសេសជាងនេះទៅទៀត អតិថិជនរបស់ Huawei ទាំងអស់អាចមានឱកាសជួបផ្ទាល់ ស្ដាប់ចម្រៀង និងថតរូប Selfie ជាមួយកំពូលតារាចម្រៀងប្រចាំព្រះរាជាណាចក្រកម្ពុជា កញ្ញា មាស សុខសោភា និងធ្វើតេស្ត ស្មាតហ្វូន Huawei ស៊េរីពណ៌មាសទាំងអស់នេះបានដោយសេរី នៅផ្សារទំនើប អ៊ីអនម៉ល ថ្ងៃទី 13 ខែសីហា ឆ្នាំ 2015 ចាប់ពីម៉ោង 4:00 ដល់ម៉ោង 6:00 ល្ងាច។ គួររម្លឹកថា បន្ទាប់ពីបានបំពញមុខងារជាឯកអគ្គរាជទូតសុឆន្ទៈរបស់ Huawei ប្រចាំកម្ពុជាអស់រយៈពេលជិតពីរឆ្នាំអ្នកដែលគាំទ្រ ទាំងស្មាតហ្វូន Huawei ទាំងកញ្ញា មាស សុខសោភា បានបង្កើតពាក្យស្លោកមួយថា “មាស សុខសោភា Huawei, Huaweiមាស សុខសោភា”។
មិនតែប៉ុណ្ណោះ Fans នៅក្នុង Facebook របស់ Huawei Device Cambodia ក៏អាចមានឱកាសឈ្នះរង្វាន់ជាច្រើនពីស្មាតហ្វូនស៊េរីពណ៌មាសរបស់ Huawei ដោយគ្រាន់ លេងហ្គេម រាប់កាក់មាសដែលក្រុមការងារនឹង Post ចាប់ពីថ្ងៃទី 04 ខែសីហា ឆ្នាំ 2015 នេះតទៅ។
ព័ត៌មានលម្អិតស្ដីពីលក្ខណៈសម្បត្តិរបស់ស្មាតហ្វូនទាំង 05 ៖
P8: http://consumer.huawei.com/en/mobile-phones/tech-specs/p8-en.htm
P8 Max: http://consumer.huawei.com/en/mobile-phones/tech-specs/p8max-en.htm
X2: http://consumer.huawei.com/en/tablets/tech-specs/mediapad-x2.htm
P8 Lite: http://consumer.huawei.com/en/mobile-phones/tech-specs/p8lite-en.htm
M2: http://consumer.huawei.com/en/tablets/tech-specs/mediapad-m2-en.htm