ភាពរលោងនៃកញ្ចក់អេក្រង់ ការរចនាផ្តល់នូវភាពស្និតស្នាលសម្រាប់អ្នកប្រើប្រាស់ ហើយនៅពេលដែលអ្នកបានពាក់ GearTM Live វាបន្ថែមភាពសង្ហារទៅលើរូបរាងរបស់អ្នកមួយកម្រិតទៀត។ ជាមួយនឹងខ្សែនាឡិកាដែលអាចដូរបាន វានឹងធ្វើឲ្យមានភាពងាយស្រួលសម្រាប់ឲ្យអ្នកកែតម្រូវទៅតាមភាពពេញនិយមពីមួយថ្ងៃទៅមួយថ្ងៃរបស់អ្នក ដោយសារតែអេក្រង់របស់វាមានដំណើរការជានិច្ច អ្នកនឹងអាចមើលព័ត៌មានថ្មីៗជានិច្ច និងដោយគ្រាន់តែប៉ះអេក្រង់វាបន្តិចដើម្បីមើលព័ត៌មានដែលអ្នកចង់បាន។
នាឡិកា Gear Live មានដំណើរការជាមួយនឹងទូរស័ព្ទស្មាតហ្វូនគ្រប់ប្រភេទដែលដំណើរការប្រព័ន្ធ AndroidTM 4.3, Jelly Bean ឬខ្ពស់ជាងនេះ ដូច្នេះ notifications និងព័ត៌មានផ្ទាល់ខ្លួនរបស់អ្នកនឹងអាចនឹងបញ្ជូនមកកាន់អ្នកបានគ្រប់ពេលវេលាដូចជា Notifications ឬការបញ្ជូនសារ អ៊ីម៉ែលជាដើម។ អ្វីដែលកាន់តែពិសេស ពេលដែលអ្នកនិយាយថា “OK Google” អ្នកនឹងអាចសួរវាអំពីអ្វីក៏បាន – ដូចជាពត៌មានអំពី Navigations- ហើយវាថែមទាំងអាចប្រាប់អំពីកម្រិតចង្វាក់នៃបេះដូងរបស់អ្នកផងដែរ។
Samsung បានដាក់ចូលនូវបច្ចេកវិទ្យាអេក្រង់ថ្មីបំផុតរបស់គេ Super AMOLED ទៅក្នុងអេក្រង់ទំហំ 1.63 អ៊ីញ ដូច្នេះពណ៌របស់វាមានភាពច្បាស់ និង notifications របស់អ្នកកាន់តែងាយស្រួលអាន។ ដូច្នេះមិនថាអ្នកកំពុងលេងហ្គេមក្នុងផ្ទះ ដើរលេងក្រៅផ្ទះ ឬដើរលេងយប់ អ្នកនឹងអាចមើលឃើញវាដោយងាយស្រួលជាមួយនឹងពន្លឺដែលចេញពីអេក្រង់ Super AMOLED នេះ។
ប្រភព៖ Samsung