ប្រភពចចាអារ៉ាមលើវ៉ិបសាយបានផុសរូបប៉ាតង់ថ្មីរបស់ក្រុមហ៊ុន Samsung ដែលនឹងផលិតស្មាតហ្វូនបត់បានជាបីបន្ទះមិនធ្លាប់មានពីមុនមក។
ចចាមអារ៉ាមលើវ៉ិបសាយទូរស័ព្ទបរទេសបានបង្ហាញពីរូបភាពប្រាំពីរសន្លឺក ដែលបានអះអាងថាជាម៉ូដែលថ្មីរបស់ក្រុមហ៊ុន Samsung ត្រូវបានរចនាឡើងសម្រាប់ឆ្នាំ2016។ រូបស្មាតហ្វូនថ្មី ត្រូវបានគេប្រទះឃើញក្នុងប៉ាតង់របស់ក្រុមហ៊ុន ដោយមានម៉ូតរចនាប្លែកពីស្មាតហ្វូនច្បងក្នុងចំណោមទូរស័ព្ទរបស់ Samsung ទាំងអស់។
ស្មាតហ្វូននឹងបំពាក់អេក្រងបត់ បង្កប់ដោយរ៉ឺស័រ ឬស្ពឺ ដើម្បីបង្កើតចំណុចបត់ និងឱ្យការបត់នោះរលូននៅពេលបើកតួទូរស័ព្ទ។ ការភ្ជាប់ត្រចៀកសងខាងផ្សំពីលោហៈជាមួយនឹងជ័រស្វិតជាផ្នែកមួយសំខាន់ក្នុងការសម្រួលដល់រ៉ឺស័រ ឬស្ពឺបិទបើកទូរស័ព្ទមិនឱ្យប្រេះអេក្រង់។
លើសន្លឹកពន្ធប៉ាតង់មួយទៀត បង្ហាញពីការបិទបើកទូរស័ព្ទមានលក្ខណៈប្រហាក់ប្រហែលកុំព្យូទ័រត្រង់ចំណុចបត់របស់វា។ ដើម្បីរក្សាអេក្រង់រាបស្មើជៀសវាងប៉ោង ទូរស័ព្ទនេះនឹងបំពាក់ស្ពឺពីរផ្សេងគ្នានៅចំណុចបត់។
ដូច្នេះ ពេលនេះក្រុមហ៊ុន Samsung កំពុងតែព្យាយាមផលិតវា ហើយនឹងរួសរាន់អោយទាន់ខែមករា ឆ្នាំ 2016។
រូបភាពស្មាតហ្វូន 3D ដែលមានក្នុងប៉ាតង់បង្ហាញទួរស័ព្ទដៃទំនងជាមានរូបរាង៖
អត្ថបទ៖លក្ខិណា
អានអត្ថបទថ្មី៖ANGLER NEXUS នឹងផលិតដោយក្រុមហ៊ុន HUAWEI