ក្រុមហ៊ុន Huawei បំបែកឯតទគ្គកម្មក្នុងឆ្នាំ 2015 ជាមួយការកើនឡើង 70% ពីមួយឆ្នាំទៅមួយឆ្នាំ
ឆ្នាំ 2016 – ទីក្រុង Las Vegas សហរដ្ឋអាមេរិក– នៅក្នុងព្រឹត្តិការណ៍ CES 2016 បុត្រសម្ព័ន្ធអាជីវកម្មស្មាតហ្វូនក្រុមហ៊ុន Huawei (CBG) បានប្រកាសពីភាពរឹងមាំ និងការកើនឡើងយ៉ាងខ្លាំងក្លាពីមួយឆ្នាំទៅមួយឆ្នាំខាងផ្នែកអាជីវកម្មស្មាតហ្វូនរបស់ខ្លួន។ ប្រាក់ចំណូលរបស់ក្រុមហ៊ុន Huawei ក្នុងឆ្នាំ 2015 មានប្រមាណជាង 20 ពាន់លានដុល្លារអាមេរិក កើនឡើងជាង 70% ធៀបទៅនឹងឆ្នាំ 2014។ លើសពីនេះ ក្រុមហ៊ុន Huawei បានលក់ចេញស្មាតហ្វូន 108 លានដើមក្នុងឆ្នាំ 2015 កើនឡើង 44% ធៀបនឹងឆ្នាំ 2014 និងបានក្លាយខ្លួនជាក្រុមហ៊ុនផលិតស្មាតហ្វូនប្រទេសចិនដែលអាចលក់ចេញស្មាតហ្វូនចំនួន 108 លានដើមក្នុងប្រវត្តិសាស្រ្ត។
ក្រុមហ៊ុន Huawei បន្តបង្កើនការកសាងកេរ្តិ៍ឈ្មោះម៉ាករបស់ខ្លួន និងទទួលបានសមិទ្ធិផលគួរឲ្យកត់សម្គាល់ក្នុងវិស័យនេះ៖
Huawei ត្រូវបានជាប់ចំណាត់ថ្នាក់ទី 88 នៅក្នុងបញ្ជីកម៉ាកសញ្ញាកំពូលទាំង 100 ក្នុងពិភពលោករបស់ Interbrand ដែលកាលពីឆ្នាំ 2014 ស្ថិតនៅចំណាត់ថ្នាក់លេខ 94។
Huawei ត្រូវបានជាប់ចំណាត់ថ្នាក់លេខ 70 នៅក្នុងបញ្ជីម៉ាកសញ្ញាដែលមានតម្លៃបំផុតទាំង 100 ក្នុងពិភពលោក ផ្ដល់ចំណាត់ថ្នាក់ដោយ BrandZ។
យោងតាមវិទ្យាស្ថានស្រាវជ្រាវដ៏ល្បី IPSOS បានឲ្យដឹងថា Huawei ជាប់ចំណាត់ថ្នាក់លេខ 1 ក្នុងការកសាងកេរ្តិ៍ឈ្មោះម៉ាកសញ្ញារបស់ខ្លួន កើនឡើងពី 65% ក្នុងឆ្នាំ 2014 ទៅ 76% ក្នុងឆ្នាំ 2015 ដែលជាង 75% នៃចំនួនអ្នកប្រើប្រាស់ទាំងអស់ស្គាល់ពីម៉ាកសញ្ញាស្មាតហ្វូន Huawei។
ការកសាងកេរ្តិ៍ឈ្មោះម៉ាកសញ្ញារបស់ Huawei កើនឡើងគួរឲ្យកត់សម្គាល់នៅប្រទេសមួយចំនួនក្នុងតំបន់អឺរ៉ុបពីមួយឆ្នាំទៅមួយឆ្នាំ៖ ព័រទុយហ្គាល់ (87%) អ៊ីតាលី (82%) អេស្ប៉ាញ (79%) ហូឡង់ (73%) អាល្លឺម៉ង់ (68%)។
ដោយសារតែការកសាងកេរ្តិ៍ឈ្មោះម៉ាកសញ្ញារបស់ Huawei បានកើនឡើងដល់ 47 ជាប់ចំណាត់ថ្នាក់លេខ 3 ទូទាំងពិភពលោក។
ផលិតផលរបស់ Huawei ដូចជា P8, Mate 7, Mate S និង Nexus 6P ត្រូវបានទទួលស្គាល់នៅក្នុងទីផ្សារសកលលោកនៅឆ្នាំ 2015៖
ការលក់ចេញជាសកលរបស់ P8 បានចំនួយសរុប 4.5 លាមដើម ស្របពេលដែលស្មាតហ្វូនមួយនេះទទូលបានពានរង្វាន់ជាច្រើនដូចជា៖ “Best Recommendation Ward” ពី North European Ljud & Bild និង “White Gold Award” ពី Danish Tech-Test ព្រមទាំង “Recommended Product Award” ពីគេហទំព័រ Review ដ៏ល្បីរបស់ន័រវេស Dinside។
Mate 7 ប្រមាណជាង 7 លានដើមត្រូវបានលក់ចេញក្នុងឆ្នាំ 2015 ស្របពេលដែលស្មាតហ្វូនមួយនេះទទួលបានពានរង្វាន់ “ BEST of IFA 2014” និងទទួលបានពានរង្វាន់ពី Android Authority, GSM Arena និង Tom’s Guide។
