[ហូឡង់ដ៍]Samsung Galaxy S7 នឹងបង្ហាញខ្លួនសប្តាហ៍ក្រោយ មិនត្រឹមតែប៉ុណ្នោះ ស្មាតហ្វូននេះត្រូវបានអមមកជាមួយ Gear VR មកបង្ហាញដំណាលគ្នា។ កាន់តែអស្ចារ្យ តើក្រុមហ៊ុននឹងផ្តល់ជូនឧបករណ៍អ្វីដោយឥតគិតថ្លៃ ? អ្នកគាំទ្ររបស់ក្រុមហ៊ុនបានពោលថា វាជារឿងអស្ចារ្យ!!!
ថ្មីៗនេះ ក្រុមហ៊ុន Samsung បានទទួលបានកំណើនទីផ្សារដែលមានការចាប់អារម្មណ៍លើ Gear VR។ កាន់តែពិសេស លោកអគ្គនាយក Rory O'Neill បានឱ្យដឹងថា ការផលិតឧបករណ៍ Gear VR ដើម្បីបំពេញតម្រូវការបន្ថែមដល់អុ្នកប្រើប្រាស់។ នេះហើយជាមូលហេតុដែលក្រុមហ៊ុន Samsung នឹងផ្តល់ Gear VR ដល់អ្នកទិញស្មាតហ្វូន Galaxy S7 ដោយឥតគិតថ្លៃ។
ព័ត៌មានទទួលបានពីក្រុមហ៊ុន Samsung មានទីតាំងនៅប្រទេសហូឡង់បានឱ្យដឹងថា ក្រុមហ៊ុននឹងផ្តល់ជូន Gear VR ដោយឥតគិតថ្លៃសម្រាប់អតិថិជនដែលបានកម្មង់ Galaxy S7 ដោយឥតគិតគិតថ្លៃគិតចាប់ពីថ្ងៃទី 21 ខែកុម្ភៈ ដល់ថ្ងៃទី 10 ខែមីនា។ សម្រាប់ការបង្ហាញស្មាតហ្វូន Galaxy S7 នឹងប្រព្រឹត្តទៅនៅថ្ងៃទី 21 ខែកុម្ភៈ ហើយអ្នកក៏អាចកម្មង់ទិញភ្លាមៗស្របពេលការដាក់បង្ហាញស្មាតហ្វូននេះ។
ដូច្នេះ នៅតែរយៈពេលប៉ុន្មានថ្ងៃទៀតទេដែលស្មាតហ្វូន Galaxy S7 បង្ហាញវត្តមានជាមួយពាក្យ ‘hi’ ពី Barcelona ជាមួយនឹងការផ្តល់ជូន Gear VR ដោយឥតគិតថ្លៃបើអ្នកកម្មង់ទិញក្នុងថ្ងៃនោះ។
អត្ថបទដោយ៖លិណា
អានអត្ថបទ៖ MYTEB PRO GOLD រូបរាងស្រស់ស្អាត រឹងមាំ តម្លៃពិសេសត្រឹមតែ $139 ប៉ុណ្ណោះ!