ការបំពាក់
ស្មាតហ្វូនជំនាន់ថ្មីរបស់ក្រុមហ៊ុន Apple បំពាក់អេក្រង់ទំហំ 4 អ៊ីង ជាមួយអេក្រង់ IPS LCD។ iPhone ថ្មីនាំមកជាមួយគុណភាពបង្ហាញលើអេក្រង់កម្រិត 1136×640 ភិចសែល ដែលមានដង់ស៊ីតេ 326 ppi។ iPhone SE មិនមានមុខងារ 3D Touch នោះទេ។
សម្រាប់ស្មាតហ្វូនរបស់ Samsung វិញ ម៉ូដែល Galaxy S7 ប្រើអេក្រង់ AMOLED ដែលមានទំហំ 5.1 អ៊ីង។ សម្រាប់កម្រិតបង្ហាញរបស់ Galaxy S7 មានទំហំ 2560×1440 ភិចសែល និងដង់ស៊ីតេរូបភាព 577 ppi។
ការរចនា
ក្រុមហ៊ុន Apple បានផ្សព្វផ្សាយ iPhone SE ដើម្បីមកជំនួសដំណែងស្មាតហ្វូនចាស់របស់ខ្លួនម៉ូដែល iPhone 5s និង iPhone 5C។ ទោះជាយ៉ាង ស្មាតហ្វូន iPhone SEត្រូវបានរចនាមកមានរូបរាងដូចទៅនឹង ស្មាតហ្វូន 5s ដែលផលិតក្នុងឆ្នាំ 2013។ iPhone ជំនាន់ថ្មីមានទំហំ 123.8×58.6×7.6mm និងមានទំងន់ 113 ក្រាម។ ស្រដៀងគ្នាជាមួយស្មាតហ្វូន iPhone 5s, SE នោះមានបំពាក់ខ្នងប្រើអាលុយមីញ៉ូមព័ណ៌ខ្មៅ។
រីឯស្មាតហ្វូន Galaxy S7 មានទម្ងន់ត្រឹមតែ 152 ក្រាម និងមានទំហំទាំងបី 142.4×69.6×7.9mm។ ក្រុមហ៊ុន Samsung ប្រើកញ្ចក់អេក្រង់ Corning Gorilla Glass 4 នៅផ្នែកស្រទាប់ខាងក្រោមរបស់ខ្លួន។ លើសពីនេះទៅទៀត ស្មាតហ្វូននេះប្រើស៊ុមអាលុយមីញ៉ូម ធន់នឹងការជ្រាបទឹក។
ទំហំផ្ទុកទិន្ន័យ
ក្រុមហ៊ុន Apple បង្ហាញទំហំផ្ទុកទិន្ន័យរបស់ខ្លួនមានពីរប្រភេទទំហំ 16GB និង 64 GB។ ប៉ុន្តែម៉ូដែលប្រើទំហំផ្ទុកទិន្ន័យទំហំ 16GB មានមុខងារថតវីដែអូរ 4K មិនបានល្អនោះទេ ហើយជាពិសេសល្បឿនរបស់វាក៏យឺតដែរ។
ចំណែកឯស្មាតហ្វូនរបស់ក្រុមហ៊ុន Samsung វិញបានផ្តល់ទំហំផ្ទុក 32 GB និង 64 GB។ លក្ខណៈខុសគ្នារវៀង S7 និង iPhone SE ត្រង់ទំហំផ្ទុកទិន្ន័យ។ ក្រុមហ៊ុន Samsung បានបន្ថែមសមត្ថភាពផ្ទុកទិន្ន័យរបស់ខ្លួនដល់ទៅទំហំ 200 GB សម្រាប់ស្មាតហ្វូន Samsung Galaxy S7។