ថ្មីៗនេះ ក្រុមហ៊ុនបច្ចេកវិទ្យាដ៏ធំមួយនេះបានបង្ហាញនូវស្នាដៃបច្ចេកវិទ្យាថ្មីចុងក្រោយដ៏គួរឱ្យចាប់អារម្មណ៍ និងទាក់ទាញបំផុតមួយទៀតដែលឃើញហើយសឹងតែមិនគួរឱ្យជឿ ដែលមានឈ្មោះថា “GeForce GTX 1080” សម្រាប់ជំនួយទៅលើបច្ចេកវិទ្យា VR ដែលល្អបំផុតសម្រាប់ការលេងហ្គេមដែលមើលទៅគឺពិតៗ។

GeForce GTX 1080 ត្រូវបានកែប្រែរូបរាងថ្មីប្លែកទាក់ទាញ សំឡេងកាន់តែរងំរណ្តំចិត្ត សមត្ថភាពខ្លាំងលើសជំនាន់មុនៗ និងបច្ចេកវិទ្យាសម្រាប់ VR ដែលអស្ចារ្យជាទីបំផុត។ លក្ខណៈពិសេសរបស់ GPU នេះគឺបានប្រើប្រាស់នូវបច្ចេកវិទ្យា Ansel Free Camera សម្រាប់ពង្រឹងទៅលើ EXR Exposer & Effect ដែលធ្វើឱ្យរូបភាពហ្គេមដែលលោកអ្នកកំពុងតែលេងទទួលបាន Super Resolution រហូតទៅដល់ 6K ដែលធ្វើឱ្យលោកអ្នកអាចធ្វើការពង្រីកទៅលើផ្នែកល្អិតណាមួយបានច្បាស់បំផុតនៅក្នុងហ្គេមដោយមិនមានបែក Noise ឬព្រាកនោះទេ។

តើអ្វីទៅជាបច្ចេកវិទ្យា ANSEL?

បច្ចុប្បន្ននេះ ការលេងហ្គេមបានក្លាយទៅជាទម្រង់ថ្មីមួយទៀតនៃការកម្សាន្តដ៏ពេញនិយមបំផុត។ ហ្គេមដែលមានក្រាហ្វិកស្រស់ស្អាតជាច្រើនដូចជា Duncan Harris, James Pollock និង Joshua Taylor សុទ្ធតែជាហ្គេមដែលល្បីល្បាញជាមួយនឹងរូបភាពស្រស់ស្អាតដែលលោកអ្នកចង់ធ្វើការ Screenshots ទស្សនីយភាពដ៏អស្ចារ្យទាក់ទាញនោះ។

បើសិនជាធ្វើការប្រៀបធៀបជាមួយនឹងរូបភាពដែលថតនៅក្នុងពិភពជាក់ស្តែង យើងអាចសង្កេតឃើញថារូបភាពដែលកំណត់នៅក្នុងហ្គេមភ្ជាប់ជាមួយនឹង Tools សម្រាប់ធ្វើការកំណត់បានផ្នែកសំខាន់មួយចំនួនផងដែរ។

ជាមួយនឹងបច្ចេកវិទ្យាថ្មីមួយនេះ លោកអ្នកអាចធ្វើការ Shot បាននៅត្រង់មុំណាមួយដែលលោកអ្នកពេញចិត្ត ដែលលោកអ្នកអាចធ្វើការកំណត់នូវកម្រិត Resolution បានធំបំផុតជាមួយនឹងពណ៌កូល័រដ៏អស្ចារ្យថែមទៀតផង។ សម្រាប់ Tools នៅក្នុងហ្គេមនេះ លោកអ្នកអាចធ្វើការ Capture នូវរូបភាពជាប្រភេទ RAW Image ជាមួយនឹងកម្រិតគុណភាពច្បាស់បំផុតគ្មានគូប្រៀប។

Ansel ត្រូវបានអភិវឌ្ឍន៍ឡើងដើម្បីផ្តល់ឱ្យលោកអ្នកនូវ Tools មួយដ៏ងាយស្រួលសម្រាប់ធ្វើការថតយករូបភាពដ៏ស្រស់ស្អាតនៅក្នុងហ្គេមដែលលោកអ្នកកំពុងតែលេងយ៉ាងជក់ចិត្តនេះ។ វាអនុញ្ញាតឱ្យលោកអ្នកធ្វើការថតយកមុំបានរហូតទៅដល់ 360 ដឺក្រេថែមទៀត។

ការចាប់យករូបភាពបានគ្រប់ជ្រុង ការបន្ថែមនូវ Filters ក៏ដូចជាការថតរូប HDR Images ដែលមានកម្រិតគុណភាពច្បាស់បំផុត ហើយថែករំលែកវាទៅកាន់ស្មាតហ្វូន កុំព្យូទ័រ ឬ VR Headsets បានកាន់តែងាយស្រួល។

លក្ខណៈសំខាន់ៗរបស់បច្ចេកវិទ្យា Ansel៖

• Free Camera – ការថតរូបភាពបានគ្រប់មុំ គ្រប់ជ្រុង គ្រប់ទីកន្លែង

• Post-Process Filters – ការកែប្រែនូវការទស្សនា និង Mood មួយចំនួននៅក្នុងហ្គេម

• EXR Capture – ការថតរូបភាពចេញពីហ្គេមនៅក្នុងកម្រិតកូល័រស្រស់ស្អាត HDR Images

• Super Resolution – ការថតរូបភាពលក្ខណៈ Detail បានច្បាស់បំផុតទោះបីវាតូចយ៉ាងណាក៏ដោយ

• 360 Capture – ការថតរូបភាពនៅក្នុងប្រភេទ Panorama នៅក្នុង Mono ឬ Stereo

អ្វីទៅជា Free Camera?

លោកអ្នកអាចធ្វើការថតរូបនៅត្រង់ទីតាំងមុំណាមួយក៏បានដែលពេញចិត្ត។ ត្រង់កន្លែងណាដែលទាក់ទាញ អ្នកអាចធ្វើការ Capture បានយ៉ាងស្អាតបំផុត។

អ្វីទៅជា Post Process Filters?

ពេលនេះលោកអ្នកអាចធ្វើការកែប្រែទម្រង់នៃការមើលនឹងលក្ខណៈពណ៌កូល័ររបស់រូបភាពតាមចិត្តចង់យ៉ាងប្លែកភ្នែក និងទាក់ទាញបំផុត។

អ្វីទៅជា Super Resolution?

ការ Capture នូវរូបភាពនៅក្នុងកម្រិតគុណភាពច្បាស់បំផុតដែលលោកអ្នកអាចធ្វើការ View នូវគ្រប់ជ្រុងបានច្បាស់បំផុត ហើយអ្នកអាចមើលនូវ Detailed នៃរូបភាពបានយ៉ាងល្អ។ ការ Capture រូបភាពអាចមានទំហំរហូតទៅដល់ 8GB ឬ 32 ដងនៃកម្រិត Game Resolution ។

តើអ្វីទៅជា EXR Capture?

EXR គឺជា File Format រូបភាពដែលត្រូវបានបង្កើតឡើងដោយ Industrial Light និង Magic ដែលផ្តល់នូវកម្រិតរូបភាពច្បាស់ខ្ពស់បំផុត។ ការថត Capture រូបភាពច្បាស់នៅក្នុង Format នេះជួយឱ្យពណ៌កូល័រកាន់តែអស្ចារ្យ ពន្លឺដ៏ទាក់ទាញ ដោយមិនមានភាពយឺតគាំងនោះទេ។

នៅខាងឆ្វេង ការ Screenshot រូបភាពនៅក្នុងទម្រង់ EXR Format ហើយនៅខាងស្តាំគឺជាការ Screenshot នៅក្នុងទម្រង់ HDR ។

អ្វីទៅជា 360 Capture?

អ្នកអាចធ្វើការ Capture នៅត្រង់ទស្សនីយភាពត្រង់កន្លែងណាមួយនៅក្នុងហ្គេមជាមួយនឹងកម្រិតមុំរហូតទៅដល់ 360 ដឺក្រេ ហើយនឹងធ្វើការបើកមើលនៅលើស្មាតហ្វូន កុំព្យូទ័រ ឬ VR Headset ជាដើម។

តើបច្ចេកវិទ្យា ANSEL អាចលេងនៅលើហ្គេមអ្វីបានខ្លះ?

ការរកឃើញនូវបច្ចេកវិទ្យា ANSEL នេះអាចដាក់ដំណើរការបាននៅលើហ្គេមធំៗជាច្រើនដូចជាហ្គេម The Witcher 3: Wild Hunt, ហ្គេម Epic Games&#039 Fortnite, ហ្គេម Paragon & Unreal Tournament, ហ្គេម Cyan Worlds&#039 Obduction, ហ្គេម Thekla’s The Witness, ហ្គេម Boss Key Productions’ Lawbreakers, ហ្គេម Ubisoft’s Tom Clancy’s The Division និងហ្គេម No Man’s Sky របស់ Hello Games។