កាមេរ៉ា 360 ដឺក្រេដំបូងបង្អស់របស់ក្រុមហ៊ុន Samsung មានឈ្មោះថា Gear 360 បានបង្ហាញខ្លួនជាសារធារណៈ ដែលគ្រោងនឹងដាក់លក់នៅថ្ងៃទី 19 ខែសីហា ខាងមុខនេះ។ ដំបូង Gear 360 ដាក់លក់នៅបណ្តាប្រទេសកូរ៉េ សាំងហ្គាពួរ ញូវហ្សាលែន កាលពីខែមិថុនា។

Gear 360 ជាកាមេរ៉ាដែលប្រើប្រាស់លេន195 ធំ ចំនួនពីរ ផ្តល់កម្រិតចាប់យករូបភាពច្បាស់ និងបានគ្រប់ជ្រុង។ កាមេរ៉ានេះប្រើប្រ័ន្ធដំណើរការរបស់ទូរស័ព្ទបូកផ្សំដើម្បីអាចចាប់យករូបភាព និងវីដេអូរដែលមានកម្រិត 360 ដឺក្រេ ។ កាន់តែពិសេសកាមេរ៉ា​ Gear 360 អាចប្រើភ្ជាប់ជាមួយ ស្មាតហ្វូនជំនាន់ថ្មីរបស់ក្រុមហ៊ុន Samsung ម៉ូដែល Galaxy S7 ឬ  S7 Edge ដើម្បីផ្ទេរ និងទាញយករូបភាព និងត្រៀមខ្លួនភ្ជាប់រៀបចំឲ្យមានការភ្ជាប់ ជាមួយស្មាតហ្វូនប្រើ Android ផ្សេងទៀត។

កាមេរ៉ា Gear 360 ត្រូវបានគេចាត់ទុកថាជាកាមេរ៉ាដែលងាយស្រួលប្រើ និងល្អផ្តាច់គេលើទីផ្សារ។ សម្រាប់កាមេរ៉ាជំនាន់ក្រោយទៀត ក្រុមហ៊ុននឹងផលិតជាកាមេរ៉ាដែលអាចថតបានកម្រិត  4K (ថតវីដេអូរមានកម្រិតបង្ហាញ3840 x 1920 ) ហើយវាជារឿងងាយស្រួលបំផុតសម្រាប់ក្រុមហ៊ុន ក្នុងការផលិតកាមេរ៉ាប្រភេទនេះ ហើយថែមទាំងទទួលបានគុណភាពភ្លឺច្បាស់ត្រជាក់ភ្នែក។ ចំណែកឯ ក្រុមហ៊ុនផលិតកាមេរ៉ាមួយចំនួនដូចជា GoPro និង  Nikon បានចំណាយពេលពាក់ កណ្តាលឆ្នាំដើម្បីផលិតកាមេរ៉ាដែលមានរាងស្វ៊ែ ទោះបីជាប្រភេទកាមេរ៉ាទាំងនោះមានលើទីផ្សារ ហើយក៏ដោយ។

អត្ថបទ៖ Gear 360

សម្រួល៖លក្ខិណា