ក្រុមហ៊ុន Samsung បានបង្ហាញស្មាតហ្វូន Galaxy Grand Prime  ហើយវាបានក្លាយជាម៉ូដែលរៀមច្បងរបស់ម៉ូដែល Galaxy Grand ផ្សេងៗទៀត។ ដើម្បីបង្កើនប្រសិទ្ធភាពប្រើប្រាស់ និងរកទីផ្សារថ្មីឲ្យស្មាតហ្វូន Galaxy Grand Prime ក្រុមហ៊ុនបានអាប់ដេតស្មាតហ្វូន Galaxy Grand Prime ដោយអាប់ដេតនេះផ្តល់គុណភាពស្មាតហ្វូនកាន់តែខ្លាំង។

Galaxy Grand Prime (2016) នឹងជាស្មាតហ្វូនជំនាន់ថ្មី ដែលមានដំណើរការដោយ ឈីប​ MediaTek និងប្រព័ន្ធដំណើរការ Qualcomm និង Spreadtrum។ ក្នុងបញ្ចីសេចក្តីលំអិតបានបង្ហាញពីប្រព័ន្ធខួរក្បាល octa-core MT6737T។ ស្មាតហ្វូននេះបំពាក់អេក្រង់ទំហំ 5 អ៊ីង ជាមួយកក្រោតបង្ហាញទំហំ 540 x 960 ភិចសែល ដែលមានលក្ខណៈដូចនឹងស្មាតហ្វូនដើម។ កាមេរ៉ាក្រោយរបស់វាមានទំហំ 8 មេហ្គាភិចសែល និងកាមេរ៉ាមុខទំហំ 5 មេហ្គាភិចសែល ថតរូបបានច្បាស់ និងស្រស់ស្អាតដូចធម្មជាតិ។​ ស្មាតហ្វូននេះអាបដេតភ្ជាប់រ៉េមទំហំ 2GB  មេម៉ូរ៉ីក្នុងម៉ាស៊ីន​ 8GB មានកាត microSD  សម្រាប់ថែមមេម៉ូរ៉ីក្រៅ ហើយសម្រាប់ម៉ូដែលដើមពុំមានកាត microSD សម្រាប់ថែមមេម៉ូរ៉ីក្រៅនោះទេ។

អត្ថបទ៖Galaxy Grand Prime (2016)

សម្រួល៖ លក្ខិណា