ឥឡូនេះ ស្មាតហ្វូនស៊េរីថ្មី Nokia 6 មកដល់ទឹកដីសហរដ្ឋអាមេរិចហើយ អតិថិជនអាចរកទិញបាននៅ Amazon ។ ស្មាតហ្វូននេះមានពីរជំនាន់ផ្សេងគ្នា ប៉ុន្តែវាមានតែមួយពណ៌ប៉ុណ្ណោះសម្រាប់ជ្រើសរើស។ ស្មាតហ្វូន Nokia 6 ដាក់លក់នៅក្នុងតម្លៃប្រហែលជា $230 ។ សម្រាប់ពណ៌ស្ពាន់ Copper និងពណ៌ខៀវ (Blue) ចាប់ផ្តើមទទួលការកក់ទិញ (Pre-order) ផងដែរ។
តាមរយៈការសំយោគបញ្ចូលគ្នារវាងទឹកដៃសិល្បៈប្រកបដោយប្រណីតភាព សោភ័ណភាព និងការរចនាដ៏លេចធ្លោប្លែកគេ រួមជាមួយនឹងបទពិសោធថ្មីលើមុខងារផ្នែកសំឡេង ជាមួយនិងអេក្រង់ ទំហំ 5.5” full HD ស្មាតហ្វូន Nokia 6 ថ្មី ផ្ដល់នូវបទពិសោធស្មាតហ្វូនកម្រិតខ្ពស់ដ៏ពិតប្រាកដ។ Nokia 6 មានតួខ្លួន ផលិតចេញពីលោហធាតុអាលុយមីញ៉ូមកម្រិត ៦០០០ មួយដុំ ដែលស័ក្តិសមបំផុតសម្រាប់អ្នកដែលចង់បានទូរស័ព្ទដែលរឹងមាំ ជាមួយកម្មវិធីកម្សាន្តយ៉ាងច្រើនសម្បូរបែប។ វាបំពាក់ដោយប្រព័ន្ធសំឡេង ឆ្លាតវៃ មាន speaker ចំនួនពីរដែលអាចឱ្យអ្នកប្រើប្រាស់ទទួលបាននូវសំឡេងឮច្បាស់ល្អ ខណៈដែលប្រព័ន្ធសំឡេង Dolby Atmos® នឹងផ្តល់នូវបទពិសោធការកម្សាន្តផ្នែកភាពយន្តដ៏អស្ចារ្យមួយទៀតពុំធ្លាប់មាន។
តាមរយៈពណ៌ដ៏លេចធ្លោរបស់វា Nokia 6 មានអេក្រង់ដែលស្រោបដោយបន្ទះការពារពន្លឺថ្ងៃដែលអាចឱ្យយើងមើលឃើញ និងអានបានទោះជានៅចំក្រោមពន្លឺព្រះអាទិត្យយ៉ាងណាក៏ដោយ។ ដំណើរការដោយអង្គប្រតិបត្តិការ Qualcomm® Snapdragon ™ 430 និងអង្គក្រាហ្វិក Qualcomm® Adreno™ 505 ស្មាតហ្វូន Nokia 6 ផ្តល់តុល្យភាពរវាងការប្រើប្រាស់ និងថាមពលថ្មបានយ៉ាងល្អឥតខ្ចោះ ផ្តល់ជូននូវការកម្សាន្តដែលមានគុណភាព ជាមួយថាមពលថ្មដែលប្រើបានរយៈពេលយូរ។ Nokia 6 មាន បួនពណ៌ខុសៗគ្នាគឺ ខ្មៅ ទឹកប្រាក់ ខៀវ និងទង់ដែង។