ក្រុមហ៊ុន Panasonic បានដាក់បង្ហាញស្មាតហ្វូនម៉ូដែលថ្មី សេរ៉ីចុងក្រោយចំនួន ០២ ម៉ូដែល។ ស្មាតហ្វូនដែលមានរាងឡូយ មានការចនាស្រស់ស្អាត និងផ្តល់នូវភាពទាន់សម័យមានឈ្មោះថា  Eluga A3  និង  Eluga A3 Pro។

ស្មាតហ្វូន Eluga A3  និង  Eluga A3 Pro ជាស្មាតហ្វូនដែលក្រុមហ៊ុនបានរចនា និងមានភាពល្បីល្បាញបំផុតសម្រាប់ទីផ្សារឥណ្ឌា។ លក្ខណៈមួយចំនួន ស្មាតហ្វូន Eluga A3  ​ប្រើអង្គប្រតិបត្តិការ MediaTek MT6737 និង ប្រើប្រព័ន្ធខួរក្បាល quad-core CPUមានល្បឿន 1.25GHz ។ ចំណែកឯ A3 Pro ប្រើអង្គប្រតិបត្តិការ MediaTek MT6753 និងប្រើប្រព័ន្ធខួក្បាល octa-core ល្បឿន 1.3GHz។

ស្មាតហ្វូនទាំងពីរនេះ បំពាក់អេក្រង់ទំហំ 5,2 អ៊ីងកម្រិត 720p គ្របដណ្តប់ដោយកញ្ចក់ Asahi Dragontrail ។ ស្មាតហ្វូននេះមានអង្គចងចាំទំហំ 3GB តែបើ A3 មានមេម៉ូរ៉ីទំហំ 16GB និង A3 Pro មានមេម៉ូរ៉ី 32GB ។ ស្មាតហ្វូននេះ បំពាក់កាមេរ៉ាទំហំ 13 មេហ្គាភិចសែលនៅខាងក្រោយ ដោយមានមុខងារការចាប់យករូបភាពដោយស្វ័យប្រវត្តិ និងកាមេរ៉ាមុខទំហំ 8MP ។ ទូរស័ព្ទទាំងពីរមានថាមពលថ្ម  4000mAh ធំ និងជើងស៊ីមចំនួនស៊ីមពីរ។

ទូរស័ព្ទនេះដំណើរការលើប្រព័ន្ធប្រតិបត្តិការ Android 7.0 Nougat និងភ្ជាប់មកជាមួយ ARBO និងមុខងារជំនួយការនិម្មិតរបស់ Panasonic ។

Eluga A3 មានតម្លៃ 176 និង Eluga A3 Pro មានតម្លៃ 199 ដុល្លារអាមេរិក ។ ទូរស័ព្ទនេះទើបតែមានលក់នៅតាមហាងលក់រាយក្នុងប្រទេសឥណ្ឌា។