ព័ត៌មានជាច្រើនធ្លាប់បានចុះផ្សាយពីស្មាតហ្វូនសេរ៉ីថ្មី មានឈ្មោះថា Sony Xperia XZ1។ ថ្មីៗនេះ មានរូបភាព Sony Xperia XZ1 ជាច្រើនលើបណ្តាញអ៊ិនធើណេត ដែលវាអាចបញ្ជាក់បានកាន់តែច្បាស់ពីរូបរាងពិតរបស់ម៉ូដែល Sony Xperia XZ1។
យោងតាមប្រភពរូបភាពដែលបែកធ្លាយថ្មីៗនេះ បានបង្ហាញឲ្យឃើញថា Sony Xperia XZ1 នឹងមានកម្រាស់ពី 8.2mm ទៅ 7.6mm។ លើសពីនេះ រូបភាពនេះក៏បានបង្ហាញផងដែរថា ស្មាតហ្វូននេះមានរាងបួនជ្រុង អេក្រង់ធំទូលាយ ជាមួយការរចនាកាមេរ៉ាខាងក្រោយស្រប ជួរគ្នាជាមួយភ្លើងជំនួយ។ Sony Xperia XZ1 បំពាក់អេក្រង់ទំហំ5.2 អ៊ីងប្រភេទ HDR ផ្តល់នូវគុណភាពបង្ហាញភ្លឺច្បាស់ត្រជាក់ភ្នែក។ ផ្នែកកាមេរ៉ារបស់វាមានសមត្ថភាពពិសេស អាចចាប់យករូបភាពបានភ្លឺច្បាស់ ស្រស់ស្អាតដូចធម្មជាតិ។ កាមេរ៉ាក្រោយរបស់វាមាន ទំហំ19 និងកាមេរ៉ាមុខមានទំហំ 13 មេហ្គាភិចសែល។ ស្មាតហ្វូននេះ ថែមទាំងមានវិញ្ញាប័ណប័តបញ្ញាក់គុណភាពធន់ IP65/68 និងមានមុខងារ 3D ដែលជាបច្ចេកវិទ្យាថ្មី និងចុងក្រោយបំផុតរបស់ក្រុមហ៊ុន Sony ។
ស្មាតហ្វូននេះនឹងត្រូវដាក់បង្ហាញជាផ្លូវការនៅវេទិកា IFA ក្នុងក្រុងប៉ែកឡាំង ហើយនឹងដាក់លក់ជាផ្លូវការនៅថ្ងៃទី 10 ខែកញ្ញា ឆ្នាំ 2017 ខាងមុខនេះ។