Huawei Honor 9 Lite គឺជាស្មាតហ្វូនស៊េរីថ្មីដែលនឹងមានការផ្លាស់ប្តូរតិចតួចបើធៀបជាមួយនឹងស្មាតហ្វូន Mate 10 Lite ។ ស្មាតហ្វូនទាំងពីរនេះនឹងមានប្រព័ន្ធកាមេរ៉ាភ្លោះនៅផ្នែកខាងមុខ និងផ្នែកខាងក្រោយ ប៉ុន្តែតើស្មាតហ្វូន Honor នឹងមានតម្លៃកាន់តែធូរថ្លៃជាងស្មាតហ្វូនត្រកូល Mate ទេ?

Huawei Honor 9 Lite ត្រូវក្រុមហ៊ុន China Telecom បញ្ជាក់ថា វានឹងលក់នៅក្នុងតម្លៃ 2000 យ័នសម្រាប់ម៉ូដែល 4GB/32GB និងតម្លៃ 2400 យ័នសម្រាប់ម៉ូដែល 64GB ។ តម្លៃនេះគឺដូចគ្នាទៅនឹងស្មាតហ្វូន Mate 10 Lite (64GB) ផងដែរ។

Huawei Honor 9 Lite នឹងបង្ហាញខ្លួននៅក្នុងព្រឹត្តិការណ៍មួយនៅថ្ងៃទី 21 ខែធ្នូខាងមុខនេះ។ តាមការបញ្ជាក់របស់ TENAA ស្មាតហ្វូននេះនឹងមានអេក្រង់ 5.65 អ៊ីញកម្រិត 18:9 បន្ទះឈីប Kirin 659 Chipset និងប្រព័ន្ធកាមេរ៉ាភ្លោះ 13MP + 2MP ៕