ក្រុមហ៊ុនបច្ចេកវិទ្យា Samsung ទើបតែប្រកាសបង្ហាញនូវស្មាតហ្វូនស៊េរីថ្មី Samsung Galaxy A8 និង Galaxy A8+ ដែលជាស្មាតហ្វូនថ្នាក់កណ្តាលដែលមានការរចនារូបរាងស្រស់ស្អាតបំផុត។ នៅផ្នែកខាងក្រោយរបស់ស្មាតហ្វូន Galaxy A8 គេសង្កេតឃើញមានប្រព័ន្ធស្កេនក្រយ៉ៅដៃដែលស្ថិតនៅក្រោមកាមេរ៉ាខុសប្លែកពីស្មាតហ្វូន Galaxy S8 និង Galaxy Note 8 ។

លោកអ្នកប្រហែលជានៅចាំថា ពាក្យចចាមអារ៉ាមបែកធ្លាយថ្មីៗនេះអំពីស្មាតហ្វូន Galaxy S9 និង Galaxy S9+ បង្ហាញថា ស្មាតហ្វូននេះនឹងមានប្រព័ន្ធស្កេនក្រយ៉ៅដៃនៅលើទីតាំងដូចគ្នាទៅនឹងស្មាតហ្វូន Galaxy A8 ដែរ។ ការប្រើប្រាស់ប្រព័ន្ធស្កេនក្រយ៉ៅដៃនៅក្នុងទីតាំងនេះសម្រាប់ស្មាតហ្វូន Galaxy S9 និង​ Galaxy S9+ ប្រហែលជាកាត់បន្ថយទៅលើស្នាមប្រឡាក់ម្រាមដៃនៅលើស្មាតហ្វូននេះជាក់ជាមិនខាន។ តើលោកអ្នកគិតដូចម្តេចដែរសម្រាប់ទីតាំងនៃប្រព័ន្ធស្កេនក្រយ៉ៅដៃនៅលើស្មាតហ្វូននេះ?