ភាពរងគ្រោះសម្ងាត់មួយផ្សេងទៀតត្រូវរកឃើញនៅលើប្រព័ន្ធប្រតិបត្តិការ macOS High Sierra ដែលអាចធ្វើការ Unlock ទៅលើ App Store System Preferences ដោយមិនចាំបាច់ប្រើប្រាស់នូវលេខសម្ងាត់ (ឬការប្រើប្រាស់នូវលេខសម្ងាត់ណាមួយក៏បាន) ។
សម្រាប់កំហុស Bug ទៅលើលេខសម្ងាត់ថ្មីនេះត្រូវរកឃើញនៅលើ Version ជំនាន់ចុងក្រោយបំផុតរបស់ប្រព័ន្ធប្រតិបត្តិការ macOS High Sierra ដែលអនុញ្ញាតឱ្យអ្នកណាក៏បានអាចធ្វើការចូលទៅដំណើរការទៅលើកុំព្យូទ័រ Mac របសអ្នកដើម្បីធ្វើការ Unlock ទៅលើ App Store Menu នៅក្នុង System Preferences ជាមួយនឹងការប្រើប្រាស់លេខសម្ងាត់ដោយចៃដន្យ ឬគ្មានការប្រើប្រាស់លេខសម្ងាត់ទេនោះ។
ផលប៉ះពាល់នៃភាពរងគ្រោះនេះគឺមិនធ្ងន់ធ្ងរដូចកំហុសរបស់ Root Login Bug នៅលើ Desktop OS របស់ក្រុមហ៊ុនបច្ចេកវិទ្យា Apple ដែលអនុញ្ញាតឱ្យចូលទៅកាន់ Root នៃ Superuser Account ដោយគ្រាន់តែចុចនៅលើលេខសម្ងាត់ទទេនៅលើប្រព័ន្ធប្រតិបត្តិការ macOS High Sierra 10.13.1 ។
នៅក្នុងការរាយការណ៍មួយនៅលើ Open Radar នៅដើមសប្តាហ៍នេះ កំហុសឆ្គងនេះប៉ះពាល់ទៅលើmacOS version 10.13.2 និងទាមទារឱ្យអ្នកវាយប្រហារធ្វើការ Login ជាមួយនឹងការប្រើប្រាស់ administrator-level account សម្រាប់ដំណើរការទៅលើកំហុសឆ្គងនេះ។
ប្រសិនបើអ្នកដំណើរការនូវប្រព័ន្ធប្រតិបត្តិការ macOS High Sierra អ្នកអាចឆែកមើលកំហុសឆ្គងនេះ៖
Login ដោយប្រើប្រាស់ local administrator
ចូលទៅកាន់ System Preferences ហើយបន្ទាប់មក App Store
ចុចនៅលើ padlock icon (ចុច Double-click នៅលើ Lock ប្រសិនបើវា unlocked រួចហើយនោះ)
ចុចបញ្ចូលនូវលេខសម្ងាត់ណាមួយ (ឬទុកវាទទេរ) នៅក្នុង Login Window
ចុចនៅលើ Unlock
នៅពេលដែលអ្នកបញ្ចប់កិច្ចការងារនេះរួចរាល់ហើយនោះ អ្នកនឹងអាចចូលទៅកាន App Store settings ដែលអនុញ្ញាតឱ្យអ្នកធ្វើការផ្លាស់ប្តូរទៅលើ Settings ដូចជាការបិទនូវការតម្លើងស្វ័យប្រវត្តិនៅលើការ Updates macOS, app updates, system data files និង security updates ដែលអាចធ្វើការជួសជុល (Patch) ទៅលើកំហុសឆ្គងនេះបាន។ គួរបញ្ជាក់ផងដែរថា ក្រុមហ៊ុនបច្ចេកវិទ្យា Apple ទើបតែធ្វើការជួសជុលទៅលើកំហុសឆ្គងស្រដៀងគ្នានេះនៅក្នុងខែតុលាសម្រាប់ macOS ដែលវារងការប៉ះពាល់នៃ Encrypted Volumes ប្រើប្រាស់ APFS ដែលលេខសម្ងាត់ Password Hint Section បង្ហាញនូវលេខសម្ងាត់ពិតរបស់អ្នកប្រើប្រាស់៕