ថ្មីៗនេះ ក្រុមហ៊ុនបច្ចេកវិទ្យា Huami ប្រកាសបង្ហាញនូវនាឡិកាស្មាតវ៉ចស៊េរីថ្មីម៉ូដែល Amazfit Pace 2 ដែលបំពាក់នូវមុខងារកាន់តែច្រើននៅក្នុងការតាមដានសុខភាព។ នាឡិកាស្មាតវ៉ចនេះបំពាក់នូវប្រព័ន្ធ GPS ប្រព័ន្ធតាមដានចង្វាក់បេះដូង និងការកម្សាន្តជាមួយនឹងតន្ត្រីរួមជាមួយនឹងមុខងារជាច្រើនទៀត។
នាឡិកាស្មាតវ៉ចនេះបំពាក់នូវបន្ទះឈីប Dual-Core Processor 1.2GHz រ៉េមផ្ទុកទិន្នន័យ 512MB ម៉េមូរីក្នុងម៉ាស៊ីនទំហំ 4GB និងប្រព័ន្ធការពារការជ្រាបទឹក 5ATM រួមជាមួយនឹងការពង្រឹងទៅលើការតាមដានទៅលើចង្វាក់បេះដូច និងការប្រើប្រាស់នូវមុខងារថ្មីសម្រាប់ការហែលទឹកផងដែរ។ ថាមពលថ្មរបស់នាឡិកាស្មាតវ៉ចនេះមមានទំហំ 280mAh Li-Pro ដែលអាចប្រើប្រាស់រយៈពេល 5 ថ្ងៃសម្រាប់ការបញ្ចូលថាមពលតែម្តង។
បន្ថែមពីនេះទៀត នាឡិកាស្មាតវ៉ចនេះប្រើប្រាស់នូវខ្សែដៃប្រភេទ 316L ជាប្រភេទអ៊ីណុកហើយវាមានរង្វង់កញ្ចក់អេក្រង់ទំហំ 1.34 អ៊ីញ LCD Touch-Screen ជាមួយកម្រិតភាពច្បាស់ 320 x 300 ភិចសែល។ នាឡិកាឆ្លាតវៃនេះអាចប្រើប្រាស់ជាមួយនឹងមុខងារ AliPay ការជូនដំណឹងនៅលើស្មាតហ្វូន ការគ្រប់គ្រងទៅលើតន្រ្តី និងកាមេរ៉ា ការជូនដំណឹងនៃម៉ោងរោទិ៍ និងជាច្រើនទៀត។ កាន់តែអស្ចារ្យជាងនេះទៀត នាឡិកា Amazfit Pace 2 អាចបញ្ជាទៅកាន់ឧបករណ៍ប្រើប្រាស់នៅក្នុងផ្ទះជាច្រើនទៀត៕
លក្ខណៈសម្បត្តិរបស់នាឡិកាស្មាតវ៉ច Amazfit Pace 2
អេក្រង់ | 1.34 អ៊ីញ 320 x 300 ភិចសែល Touch-Screen កញ្ចក់ Sapphire Glass |
បន្ទះឈីប | 1.2GHz Dual-Core Processor |
រ៉េម & ម៉េមូរី | 512MB RAM 4GB Memory |
សេនស័រ | PPG Heart Rate Sensor Triaxial Accelerometer Gryro Geomagnetic Sensor Barometric Sensor 4 Ambient Light Sensor |
ថាមពលថ្ម | 280mAh Lithium Polymer |
កម្រិតនៃថាមពលថ្ម | 5 ថ្ងៃ 35 ម៉ោងសម្រាប់ការប្រើប្រាស់ GPS, Heart Rate Monitoring |
ប្រវែងខ្សែនាឡិកា | 22mm |
ប្រព័ន្ធការពារការជ្រាបទឹក | 5ATM (ការពារការជា្របទឹក 50 ម៉ែត្រ) |
តួខ្លួន | សេរ៉ាមិក ដែកអ៊ីណុក កញ្ចក់ Sapphire |
តម្រូវការ System | Android 4.4 iOS 9 |