ព័ត៌មាន

LG gram 13.3” Ultra-Lightweight Touchscreen Laptop កុំព្យូទ័រស៊េរីថ្មីសមត្ថភាពខ្លាំង ការរចនារូបរាងកាន់តែស្រស់ស្អាត

ថ្មីៗនេះ ក្រុមហ៊ុនបច្ចេកវិទ្យា LG របស់ប្រទេសកូរ៉េខាងត្បូងបញ្ចេញនូវកុំព្យូទ័រស៊េរីថ្មីដែលមានការរចនារូបរាងកាន់តែប្លែកស្រស់ស្អាតបំផុតនោះគឺ LG Gram ដែលមានទំហំ 13.3 អ៊ីញងាយស្រួលដាក់តាមខ្លួន និងមានទំងន់ស្រាលដែលអ្នកប្រើប្រាស់អាចយកតាមខ្លួនគ្រប់ទីកន្លែង។ កុំព្យូទ័រដ៏ស្រស់ស្អាតស៊េរីថ្មីនេះប្រើប្រាស់នូវអេក្រង់ប្រភេទ Vivid Full HD IPS Touchscreen Display ដែលផ្តល់នូវរូបភាពភ្លឺច្បាស់ និងម៉ត់បំផុតដែលងាយស្រួលក្នុងការទស្សនា ហើយទំហំអេក្រង់ 13.3 អ៊ីញគឺសក្តិសមបំផុតសម្រាប់ការធ្វើការងារ ឬការកម្សាន្តជាដើម។

 image

កម្លាំងម៉ាស៊ីនខ្លាំងក្លា

សម្រាប់កុំព្យូទ័រយួរដៃ LG Gram មានកម្លាំងម៉ាស៊ីនខ្លាំងក្លា និងអង្គដំណើរការខ្លាំងមិនធម្មតានោះទេ។ វាប្រើប្រាស់នូវបន្ទះឈីប Intel® Core™ i7 processor ជំនាន់ទី 8, ប្រព័ន្ធប្រតិបត្តិការ Windows 10 Home និងរ៉េមផ្ទុកទិន្នន័យបណ្តោះអាសន្នទំហំ 8GB ជាមួយនឹង 256GB SSD ផងដែរ។

 image

ប្រព័ន្ធសុវត្ថិភាពតាមរយៈការស្កេនក្រយ៉ៅដៃ (Fingerprint ID)

ប្រព័ន្ធស្កេនក្រយ៉ៅដៃមួយ (Fingerprint ID) ដែលនៅជាប់នឹង Trackpad ដំណើរការលឿន សុវត្ថិភាពសម្រាប់ការចូលទៅប្រើប្រាស់កុំព្យូទ័រ LG Gram នេះដោយអ្នកប្រើប្រាស់គ្រាន់តែធ្វើការស្កេនក្រយ៉ៅម្រាមដៃ ហើយលោកអ្នកអាចចូលទៅប្រើប្រាស់បានបើទោះបីជាលេខសម្ងាត់ភ្លេចក៏ដោយ។ វាពិតជាងាយស្រួលមែនទែនក្នុងការប្រើប្រាស់។

 ការប្រើប្រាស់ក្តារចុច Backlit Keyboard

សម្រាប់ការរចនារូបរាងទៅលើក្តារចុច Keyboard របស់កុំព្យូទ័រយួរដៃ LG Gram គឺជាប្រភេទ Backlit ដែលអ្នកប្រើប្រាស់អាចធ្វើការកែប្រែទៅលើកម្រិតពន្លឺ Brightness បាន។ នេះពិតជាងាយស្រួលមែនទែនសម្រាប់ការប្រើប្រាស់កុំព្យូទ័រ LG Gram នៅក្នុងបរិស្ថានផ្សេងគ្នាទោះបីជាស្ថិតនៅក្នុងបន្ទប់ងងឹតក៏ដោយ។

image

 រន្ធសម្រាប់តភ្ជាប់ច្រើន (Multiple Ports) រួមមានរន្ធ USB Type C

ការតភ្ជាប់ទៅកាន់កុំព្យូទ័រ LG Gram បំពាក់នូវរន្ធ Ports ជាច្រើនដែលក្នុងនោះវាមានរន្ធដោត USB Type-C Port សម្រាប់ធ្វើការបញ្ចូនទិន្នន័យ និងវីដេអូជាមួយល្បឿនថែមទៀត។ កុំព្យូទ័រនេះទ្រទ្រង់នូវរន្ធដោត USB 3.0 ដែលបញ្ចូនទិន្នន័យលឿន និងការបញ្ចូលថាមពលលឿន ខណៈពេលដែលរន្ធដោត HDMI Ports ផ្តល់នូវភាពងាយស្រួលក្នុងការភ្ជាប់ទៅកាន់អេក្រង់ដែលមានកម្រិតខ្ពស់ផងដែរ។

 ការរចនាស៊ុមព័ទ្ធអេក្រង់ស្តើងបំផុត និងកម្រាស់ស្តើង

សម្រាប់កុំព្យូទ័រយួរដៃ LG Gram ប្រើប្រាស់នូវស៊ុមព័ទ្ធអេក្រង់ស្តើងបំផុតជាមួយនឹងអេក្រង់ IPS Screen ដែលមិនត្រឹមតែងាយស្រួលក្នុងការទស្សនានៅគ្រប់ជ្រុងនោះទេ ប៉ុន្តែគុណភាពរបស់វាគឺពិតជាស្រស់ស្អាតទាក់ទាញខ្លាំងមែនទែន។

 រូបរាងរបស់កុំព្យូទ័រយួរដៃ LG Gram ស្រោបដោយលោហៈធាតុដែលមានការរួមបញ្ចូលគ្នានៃ Nano Carbon ជាមួយនឹង Magnesium ដែលធ្វើឱ្យកុំព្យូទ័រនេះមានភាពរឹងមាំ និងស្រាលងាយស្រួលកាន់ថែមទៀតជាមួយនឹងកម្រាស់ 7 អ៊ីញ។ វាពិតជាស្រស់ស្អាតមែនទែន។

 ការប្រើប្រាស់កាសស្តាប់ DTS Headphone: X និងមុខងារ Reader Mode

អ្នកប្រើប្រាស់នឹងទទួលនូវបទពិសោធន៍កាន់តែអស្ចារ្យជាមយនឹងការប្រើប្រាស់កាសស្តាប់ DTS Headphone: X ដែលចែកចាយនូវកម្រិតសំឡេង 11.1 Channels សម្រាប់ប្រព័ន្ធសំឡេង Speaker System ថែមទៀត។

 កុំព្យូទ័រ LG Gram ប្រើប្រាស់នូវមុខងារ Reader Mode ផ្តល់នូវជម្រើសពន្លឺនៃការអានតាមរយៈ Blue Light សម្រាប់ការកាត់បន្ថយទៅលើការសម្លឹងមើលអេក្រង់៕

 លក្ខណៈសម្បត្តិរបស់កុំព្យូទ័រយួរដៃ LG Gram

ប្រព័ន្ធប្រតិបត្តិការ

Operating System

Windows 10 Home (64bit)

មុខងារ

Features

Daylight Mode

Back-lit Keyboard

DTS Headphone: X

Touchscreen LCD

Fingerprint ID

បន្ទះឈីប

Processor

Intel® Core™ i7-8550U 1.80GHz/4.00GHz

 

ម៉េមូរី

Memory

8GB x 1

ថាសរឹង

Hard Drive

SSD (Solid-State Drive) 256GB

ការភ្ជាប់ទំនាក់ទំនង

Connectivity

Wireless: 802.11ac, Dual Band

LAN: 10/100 or Gigabit with RJ45 Gender

Bluetooth: Bluetooth 4.1

 

អេក្រង់

Display

ទំហំអេក្រង់: 13.3″

ប្រភេទអេក្រង់: IPS LCD

កម្រិតភាពច្បាស់: FHD (1920 x 1080)

ក្រាហ្វិក: Intel HD Graphics 620

 

ប្រព័ន្ធសំឡេង

AUDIO

Stereo Speaker (1.0W x 2)

DTS Headphone: X

រន្ធដោត

PORTS

HDMI (Standard)

USB 3.0 Type-C

USB 3.0 x 2

USB 2.0

Micro-SD

Headphone Out

RJ45 Ethernet

DC-In

 

ថាមពលថ្ម

BATTERY

60Wh

 

ការរចនាតួខ្លួន

MATERIAL

Magnesium alloy

 

វិមាត្រ / ទំងន់

DIMENSIONS/ WEIGHT

វិមាត្រ: 12.1″ x 8.3″ x 0.6″

ទំងន់: 2.07 lbs