Facebook ដឹងច្រើនណាស់អំពីព័ត៌មានរបស់លោកអ្នកដូចជាអ្វីដែលអ្នកចូលចិត្ត និងអ្វីដែលអ្នកមិនចូលចិត្តនោះ ហើយនេះមិនមែនជារឿងដែលគួរឱ្យភ្ញាក់ផ្អើលនោះទេ។ ប៉ុន្តែតើអ្នកដឹងទេថា ប្រសិនបើអ្នកធ្វើការតម្លើងទៅលើកម្មវិធី Facebook Messenger app នៅលើស្មាតហ្វូន Android របស់អ្នកនោះ វាមានឱកាសជាច្រើនដែលក្រុមហ៊ុននេះអាចធ្វើការប្រមូលនូវ Contacts, SMS និង Call History Data របស់អ្នកចាប់តាំងពីឆ្នាំមុនមកម្ល៉េះ។
នៅក្នុងសារបង្ហោះរបស់លោក Dylan McKay ដែលជាអ្នកសរសេរកម្មវិធីមានមូលដ្ឋាននៅក្នុងប្រទេសនូវែលសេឡង់ទទួលបាននូវសារច្រើនជាង 38,000 ដែលបង្ហាញថា គាត់រកទិញទិន្នន័យរបស់គាត់ដែលមានរយៈពេលជាងមួយឆ្នាំហើយរួមមាននូវ Logs នៃការខលចេញចូល និងសារ SMS Messgaes ហើយលោកក៏បង្ហាញជា ZIP Files ចេញពីក្រុមហ៊ុនFacebook ផងដែរ។
ក្រុមហ៊ុន Facebook កំពុងតែប្រមូលទៅលើទិន្នន័យរបស់អ្នកប្រើប្រាស់ជាច្រើនអស់រយៈពេលជាច្រើនឆ្នាំដែលវាមានការរាយការណ៍នៅលើសារព័ត៌មាននោះ។ ចាប់តាំងពីក្រុមហ៊ុន Facebook មានរឿងចម្រូងចម្រាស់ទៅលើការចែករំលែកទិន្នន័យរបស់ខ្លួនបន្ទាប់ពីរឿងអាស្រូវនៃ Cambridge Analytica កាលពីសប្តាហ៍មុននេះ នេះបើតាមការបង្ហោះរបស់ McKay នោះ។
អ្នកនាំពាក្យរបស់ក្រុមហ៊ុន Facebook ពន្យល់ថា ចាប់តាំងពីបណ្តាញសង្គមត្រូវផ្តល់នូវភាពងាយស្រួលសម្រាប់ការភ្ជាប់ទំនាក់ទំនងជាមួយនឹងមិត្តភក្តិ និងក្រុមគ្រួសារនោះ ក្រុមហ៊ុន Facebook ក៏ធ្វើការ Uploads នូវព័ត៌មាន Contacts របស់អ្នកប្រើប្រាស់ផងដែរ។ សម្រាប់ Android ដែលមាន versions ទាបនោះវាមាននូវច្បាប់កំណត់កាន់តែតិចនោះ ហើយកម្មវិធី Facebook App ក៏អាចធ្វើចូលទៅកាន់ទិន្នន័យខល និងទិន្នន័យសារដោយស្វ័យប្រវត្តិថែមទៀត។
ក្រុមហ៊ុន Google ក៏ធ្វើការផ្លាស់ប្តូរនូវវិធីសាស្រ្តក្នុងការអនុញ្ញាទៅលើ Android សម្រាប់ version ចាប់ពី 16 នោះ។ ក្រុមអ្នកអភិវឌ្ឍកម្មវិធី Developers អាចជៀសវៀងនូវការផ្លាស់ប្តូរនេះ ហើយក្រុមហ៊ុន Facebook បន្តនូវការចូលទៅកាន់ការខល និងទិន្នន័យ SMS Data រហូតទាល់តែក្រុមហ៊ុន Google ខកខានទៅលើកំណែនៃ version 4.0 នៃ Android API នៅក្នុងខែតុលាឆ្នាំមុននេះ។
ដើម្បីឆែកមើលថាតើទិន្នន័យនៅលើបណ្តាញសង្គមរបស់អ្នកត្រូវបានប្រមូលឬអត់នោះ អ្នកគ្រាន់តែចូលទៅកាន់ Setting របស់ Facebook à Download a copy of your Facebook data→Start My Archive ។
ប្រសិនបើអ្នកមិនចង់អោយ Facebook ធ្វើការរក្សាទុក ឬការបន្តនូវការ Upload ទៅលើ Contacts របស់អ្នកទៅកាន់ Server របស់ខ្លួននោះ អ្នកអាចធ្វើការបិទទៅលើ Upload Settings នៅក្នុងកម្មវិធី Messenger App ។ការផ្លាស់ប្តូរនេះនឹងធ្វើការលុបចោលនូវ Upload Contacts របស់អ្នកទាំងអស់កាលពីពេលមុននេះ។ សម្រាប់អ្នកប្រើប្រាស់នៅលើ Facebook តាមរយៈ Apple Devices នោះគឺមានសុវត្ថិភាពខ្ពស់ខ្លាំង ហើយប្រព័ន្ធប្រតិបត្តិការ iOS គឺមិនអនុញ្ញាតឱ្យមានការចូលដំណើរការដោយស្ងាត់ៗទៅកាន់ Call Data នោះ៕