Phone City Magazine

 Breaking News
សេចក្តីជូនដំណឹង : សម្រាប់ការអញ្ជើញចូលរួមកម្មវិធីសម្ពោធនាៗ សូមទំនាក់ទំនងទៅកាន់លេខ 010 97 35 45។ ពេលនេះប្រិយមិត្តទាំងអស់របស់ ទស្សនាវដ្តី ទីក្រុងពត៌មានវិទ្យា និងទីក្រុងទូរស័ព្ទ អាចអានទស្សនាវដ្តីទីក្រុងពត៌មានវិទ្យា និងទីក្រុងទូរស័ព្ទនៅលើស្មាតហ្វូនរបស់អ្នកបានដោយសេរី។ សូមចូលទៅកាន់ App Store និងវាយពាក្យថា IT City Magazine ឬចូលទៅកាន់គេហទំព័រ www.itcity.com.kh/dl/download ដើម្បីទាញយកទស្សនាវដ្តី FREE! ផ្សាយពាណិជ្ជកម្មជាមួយទស្សនារដ្តីទីក្រុងទូរស័ព្ទ និងទីក្រុងពត៌មានវិទ្យាដោយឥតគិតថ្លៃ ។ ទំនាក់ទំនងផ្សាយពាណិជ្ជកម្មៈ 010 97 35 45 / 010 67 67 67

ក្រុមហ៊ុនសាមសុងប្រគល់មូលនិធិ 247,080,000 លានរៀលទៅអាជ្ញាធរអប្សរាដើម្បីការពាររមណីយដ្ឋាន និងរៀបចំតំបន់សៀមរាប-អង្គរ

June 20
05:22 pm 2018
Like and Share this page:

នៅថ្ងៃទី ២០ ខែមិថុនាឆ្នាំ២០១៨ នេះ សាខាក្រុមហ៊ុនថៃសាមសុងអាឡិកត្រូនិកបានរៀបចំពិធីចុះអនុស្សារណៈយោគយល់គ្នាជាមួយអាជ្ញាធរអប្សរានៅការិយាល័យក្រុមហ៊ុនសាមសុងក្នុងរាជធានីភ្នំពេញ។ កម្មវិធីនេះប្រារព្ធឡើងក្នុងគោលបំណងដើម្បីប្រគល់ថវិកាចំនួន 247,080,000 លានរៀល (ប្រមាណ 61,770 ដុល្លារអាមេរិក) ពីមូលនិធិនៃការលក់ទូរស័ព្ទ Samsung Galaxy “J” សេរី 2016 ដែលបានសន្យានឹងធ្វើការឧបត្ថម្ភទឹកប្រាក់ 10,000 រៀលរាល់ការលក់ផលិតផល 1 គ្រឿង ។

image

image

image

ក្រុមហ៊ុនក៏បានធ្វើការផ្សព្វផ្សាយនិងជំរុញលើកទឹកចិត្តប្រជាជនតាមរយៈយុទ្ធនាការ “មោទនភាពជាតិក្នុងដៃអ្នក” ដោយប្រើប្រាស់រូបភាពអង្គរវត្តនៅលើប្រអប់ (box) និងនៅលើផ្ទាំងមុខ (theme) នៃទូរស័ព្ទដៃម៉ាក Samsung Galaxy “J” សេរី 2016 ផងដែរ ក្នុងចេតនាបំផុសទឹកចិត្តស្រលាញ់និងមោទនភាពចំពោះប្រាង្គប្រាសាទដ៏មហាអច្ឆរិយៈរបស់កម្ពុជាយើង ។ រហូតមកទល់ពេលនេះ យើងជឿជាក់ថា ផលិតផល Samsung Galaxy “J” សេរី2016 បានលក់សំរេចអស់ពីលើទីផ្សារប្រទេសកម្ពុជាហើយ ទើបយើងសំរេចចិត្តជ្រើសរើសយកពេលវេលានេះដើម្បីបិទបញ្ចប់មូលនិធិ Samsung Galaxy “J” សេរី2016 នេះ ។

image

image

មូលនិធិនេះនឹងប្រគល់ជូនទៅអាជ្ញាធរអប្សរាដើម្បីអភិវឌ្ឍវិស័យទេសចរណ៍និងរៀបចំរមណីយដ្ឋាននៅតំបន់សៀមរាប-អង្គរ និងកិច្ចការងារផ្សេងៗទៀតតាមទិសដៅការងាររបស់អាជ្ញាធរអប្សរា នេះបើតាមប្រសាសន៏របស់លោក Seungho Choi អគ្គនាយកសាខាក្រុមហ៊ុនថៃសាមសុងអេឡិចត្រូនិកប្រចាំប្រទេសកម្ពុជា។ លោកបានបន្តថា រូបភាពអង្គវត្តដែលបានបង្ហាញនៅលើប្រអប់ (box)និងនៅលើផ្ទាំងមុខ (theme)នៃទូរស័ព្ទដៃម៉ាក Samsung Galaxy “J” សេរី (J3 J5 និង J7)គឺបានបង្ហាញពីចេតនារបស់ក្រុមហ៊ុនដែលចង់ចូលរួមជាមួយប្រជាជនកម្ពុជាក្នុងការបំផុសទឹកចិត្តស្រលាញ់ អភិរក្សនិងថែរក្សាសម្បត្តិវប្បធម៌ដ៏ល្អមួយនេះផងដែរ។

image

ចំណែក ឯកឧត្តម សុខ សង្វារ អគ្គនាយករងអាជ្ញាធរអប្សរាបានមានប្រសាសន៏ថា តាងនាមឲ្យអាជ្ញាធរអប្សរាជាតិខ្ងុំសូមថ្លែងអំណរគុណយ៉ាងស្មោះស្ម័គ្រ និងកោតសរសើរចំពោះក្រុមហ៊ុនសាមសុងដែលបានបង្កើតគម្រោងនេះឡើង។យើងរីករាយក្នុងការទទួលយកមូលនិធិនេះ នឹងប្រើប្រាស់មូលនិធិនេះសំរាប់កិច្ចការងារក៏ប្រសើរក្នុងការថែទាំប្រាង្គប្រាសាទរបស់យើងឲបានល្អប្រសើរ។ ខ្ញុំមានការរីករាយណាស់ដែលក្រុមហ៊ុនសាមសុង ដែលត្រូវបានគេទទួលស្គាល់ទូទាំងពិភពលោកថាជាក្រុមហ៊ុនស្មាតហ្វូនធំជាងគេ បានសំរេចចិត្តបង្កើតកម្មវិធីល្អៗដើម្បីសង្គមកម្ពុជា ហើយខ្ញុំក៏សុំអំពាវនាវដល់ក្រុមហ៊ុនសាមសុង ក៏ដូចជាក្រុមហ៊ុនដ៏ទៃផ្សេងទៀតបន្តនូវកម្មវិធីនេះ ឫកម្មវិធីសង្គមផ្សេងៗជាបន្តទៀតដើម្បី អភិវឌ្ឍសេដ្ឋកិច្ច និងសង្គមកម្ពុជា ។

ក្រៅពីសកម្មភាពសង្គម ខាងលើនេះក្រុមហ៊ុនសាមសុងក៏បានចូលរួចក្នុងការជួយសង្គមជាតិមានដូចជាការបរិច្ចាកឈាម, យុទ្ធការចែកមួកសុវត្ថិភាព,Love & Care និងវគ្គបណ្តុះបណ្តាលសាមសុង Tech Institute ផងដែរ៕

Like and Share this page:

Related Posts


Comments

ជួយគាំទ្រយើងនៅក្នុង Facebook

ព័ត៌មានពេញ​និយម​ប្រចាំ​សប្ដាហ៍

ទិញលក់ ទំនិញ ពេញ​និយម​ប្រចាំ​សប្ដាហ៍

ចំនួនអ្នកចូលទស្សនា

Today : 4221
Yesterday : 6893
This Month : 108956
Last Month : 213816
Total Visitor : 16010685