ស្មាតហ្វូនស៊េរីថ្មីដែលមានលេខម៉ូដែល SM-J337V បង្ហាញខ្លួននៅលើ Geekbench ហើយស្មាតហ្វូននេះប្រហែលជាមានឈ្មោះថា Samsung Galaxy J7 Aero ។ ស្មាតហ្វូននេះប្រហែលជាលក់នៅលើ Verizon នៅសហរដ្ឋអាមេរិកនៅក្នុងពេលឆាប់ៗនេះផងដែរ។
តាមការបញ្ជាក់របស់ Geekbench ស្មាតហ្វូននេះប្រើប្រាស់នូវបន្ទះឈីប Samsung's Exyunos 7885 ដែលធ្លាប់ប្រើប្រាស់នៅលើស្មាតហ្វូន Samsung Galaxy A8 (2018), Galaxy A8+ (2018) និង Galaxy J7 Duo ប្រព័ន្ធប្រតិបត្តិការ Android 8.0 Oreo និងរ៉េមទំហំ 2GB ផងដែរ។ ស្មាតហ្វូន Galaxy J7 Aero ក៏ប្រហែលជាមានរ៉េមទំហំ 3GB ផងដែរ។
ស្មាតហ្វូន Samsung Galaxy J7 Aero ត្រូវគេរំពឹងថានឹងមានលក្ខណៈដូចគ្នាទៅនឹងស្មាតហ្វូន Galaxy J7 (2018) ដែរ។ ស្មាតហ្វូននេះមានអេក្រង់ទំហំ 5.5-inch Super AMOLED ជាមួយនឹងកម្រិតភាពច្បាស់ 720p និងកាមេរ៉ាខាងក្រោយទំហំ 13MP ផងដែរ៕