នៅក្នុងរបាយការណ៍ថ្មីរបស់ The Information អះអាងថា ក្រុមហ៊ុនធំៗជាច្រើនកំពុងតែធ្វើការតេស្តទៅលើប្រព័ន្ធជំនួយការរថ្មី Duplex របស់ក្រុមហ៊ុនGoogle នឹងប្រើប្រាស់សម្រាប់ជំនួសកន្លែងរបស់ Call Centers ដើម្បីឆ្លើយតបទៅនឹងសេវាកម្មរបស់អតិថិជននោះ។
របាយការណ៍នេះរាយការណ៍នៅក្នុងពេលមួយនៅពេលដែលដែលឧស្សាហកម្ម Call Center ដែលផ្អែកទៅលើ Cloud នេះមានការកើនឡើងទឹកប្រាក់ដល់ទៅ $6.8 billion (កាលពីឆ្នាំមុននេះ) ហើយពេលនេះវាមានការរំពឹងថានឹងកើនឡើងដល់ទៅ $20.9 billion នៅឆ្នាំ 2022 ហើយក្រុមហ៊ុនជាច្រើនក៏ចាប់អារម្មណ៍ទៅលើបច្ចេកវិទ្យានេះដូចជា Amazon, IBM, Microsoft, Cisco, Avaya និង Genesys – ដែលនេះគឺជាដំណោះស្រាយទៅលើផ្នែក Call Center នោះ។
Google Duplex អាចធ្វើការជំនួសការងាររបស់ Call Center បានដោយសារតែវាយល់នូវសំណួររបស់អ្នកសួរ ហើយឆ្លើយជាមួយនឹងឥរិយាបថសមរម្យថែមទៀត ។ Google Duplex គឺជា Extension របស់ Google Assistant ដែលមានសំលេងដូចមនុស្សនោះ៕