នេះគឺជាដំណឹងដ៏ល្អសម្រាប់អ្នកគាំទ្ររបស់ក្រុមហ៊ុន Nokia ដោយសារតែកំពូលស្មាតហ្វូន Nokia 6.1 Plus (ឬគេស្គាល់ថាជា Nokia X6 នៅក្នុងប្រទេសចិន) ពេលនេះមកដល់ប្រទេសកម្ពុជាហើយ! តើអ្នកដឹងទេថា Nokia 6.1 Plus មានការពេញនិយមខ្លាំងប៉ុណ្ណា?
តាមការបញ្ជាក់របស់គេហទំព័រ Gadgets.ndtv អោយដឹងថា Nokia 6.1 Plus របស់ក្រុមហ៊ុនបច្ចេកវិទ្យា HMD Global ពិតជាមានរូបរាងស្រស់ស្អាតភ្ជាប់ជាមួយនឹង Notch នៅលើអេក្រង់ដ៏ទាក់ទាញដែលដាក់លក់ដំបូងនៅក្នុងប្រទេសចិននៅលើវេបសាយ JD.com, Suning.com និង Tmall.com លក់អស់រលីងពីស្តុកតែម្តងនៅក្នុងរយៈពេលត្រឹមតែ 10 វិនាទីប៉ុណ្ណោះ។
តើអ្វីទៅដែលធ្វើឱ្យស្មាតហ្វូន Nokia 6.1 Plus នេះពេញនិយមខ្លាំងដល់ថ្នាក់នេះ? ជាការពិតណាស់ ស្មាតហ្វូន Nokia 6.1 Plus នេះមិនត្រឹមតែមានការរចនារូបរាងកាលីបទាន់សម័យជាមួយនឹង Notch ដ៏ស្រស់ស្អាតស្របទៅតាមនិន្នាការបច្ចុប្បនុ្ននោះទេ ប៉ុន្តែវាថែមទាំងជាស្មាតហ្វូនដែលពោរពេញទៅដោយសមត្ថភាពថែមទៀតផង។ ស្មាតហ្វូន Nokia 6.1 Plus នេះបំពាក់ជាមួយនឹងប្រព័ន្ធកាមេរ៉ាភ្លោះដែលទ្រទ្រង់នូវបច្ចេកវិទ្យាឆ្លាតវៃ AI និងមុខងារ HDR ថែមទៀត។
តម្លៃដ៏ពិសេសមិនធ្លាប់មាន និងការថែមជូនកាដូជាច្រើន
ស្មាតហ្វូន Nokia 2.1 និង Nokia 6.1 Plus ចាប់ផ្តើមដាក់លក់នៅក្នុងទីផ្សារនៃប្រទេសកម្ពុជាចាប់ពីថ្ងៃទី ២៤ ខែតុលា ឆ្នាំ ២០១៨ នេះជាមួយនឹងកម្មវិធីប្រូម៉ូសិនពិសេស និងតម្លៃដ៏អសច្ចារ្យបំផុត។
– Nokia 6.1 Plus (4GB RAM/64GB ROM) លក់ក្នុងតម្លៃពិសេស $269 ថែមជូនសម្បកការពារទូរស័ព្ទ (Case), ស្គ្រីនការពារអេក្រង់,កាបូបស្ពាយ៍ Nokia និងស៊ីមកាតពីក្រុមហ៊ុន Cellcard ជាមួយនឹងការ Free អ៊ីនធើណិត 10GB ក្នុង 1 ខែរយៈពេលមួយឆ្នាំពេញ។
– Nokia 2.1 លក់ក្នុងតម្លៃពិសេស $115 ថែមជូនសម្បកការពារទូរស័ព្ទ (Case),ស្គ្រីនការពារអេក្រង់, កាបូប Nokia និងស៊ីមកាតពីក្រុមហ៊ុន Cellcard ជាមួយនឹងការ Free អ៊ីនធើណិត 10GB ក្នុង 1 ខែរយៈពេលមួយឆ្នាំពេញ។
លក្ខណៈសម្បត្តិដ៏ខ្លាំងក្លារបស់ស្មាតហ្វូន Nokia 6.1 Plus
Nokia 6.1 Plus នេះប្រើប្រាស់នូវស៊ីមពីរ (Dual-SIM) 4G VoLTE នៅលើប្រព័ន្ធប្រតិបត្តិការ Android 8.1 Oreo និងបំពាក់នូវអេក្រង់ភ្លឺច្បាស់ទំហំ 5.8-inch full-HD+ (1080×2280 ភិចសែល) ការពារដោយកញ្ចក់ 2.5D Gorilla Glass 3 មិនអោយមានស្នាមឆ្កូតនៅលើអេក្រង់នេះនោះទេ។ ស្មាតហ្វូននេះមានរ៉េមផ្ទុកទិន្នន័យបណ្តោះអាសន្នទំហំ 4GB ម៉េមូរីក្នុងម៉ាស៊ីនទំហំ 64GB ហើយវាក៏មានរន្ធសម្រាប់បន្ថែម microSD កាតដែលអ្នកប្រើប្រាស់មិនមានការព្រួយបារម្ភនោះទេក្នុងការរក្សាទុកនូវទិន្នន័យ រូបភាព វីដេអូ កម្មវិធី និងជាច្រើនទៀតនោះ។ បន្ទះឈីបរបស់វាគឺ octa-core Snapdragon 636 SoC ដែលធ្វើឱ្យស្មាតហ្វូននេះដំណើរការលឿនក្នុងការប្រតិបត្តិការងារ និងការលេងហ្គេមជាដើម។
Nokia 6.1 Plus ប្រើប្រាស់នូវប្រព័ន្ធកាមេរ៉ាភ្លោះ 16MP + 5MP សម្រាប់ថតរូបភាពវីដេអូយ៉ាងស្រស់ស្អាតដោយសារតែវាប្រើប្រាស់នូវបច្ចេកវិទ្យា AI ក្នុងការគ្រប់គ្រងទៅលើពណ៌ ការបន្ថែមនូវ Effects និងការទ្រទ្រង់នូវ HDR ។ កាមេរ៉ាខាងមុខរបស់ស្មាតហ្វូននេះមានទំហំ 16MP ហើយអ្វីដែលកាន់តែពិសេសនោះជាមួយនឹងមុខងារ Bothie អ្នកប្រើប្រាស់អាចថតរូបភាពដោយកាមេរ៉ាខាងមុខ និងខាងក្រោយក្នុងពេលជាមួយគ្នាផងដែរ។ ។ លក្ខណៈពិសេសមួយទៀតរបស់វាគឺថាមពលថ្មបានយូររបស់វាដែលមានទំហំដល់ទៅ 3060mAh ជាមួយនឹងឆ្នាំងសាក 18W ។ ស្មាតហ្វូននេះប្រើប្រាស់នូវបច្ចេកវិទ្យា Quick Charge 3.0 បញ្ចូលថាមពលថ្ម 30 នាទីបានពេញ 50% និងការប្រើប្រាស់ជាមួយនឹងរន្ធសាកថ្មលឿន USB Type-C និងការរក្សានូវរន្ធដោតកាសស្តាប់ 3.5mm Headphone Jack ដដែល។
លក្ខណៈសម្បត្តិដ៏ខ្លាំងក្លារបស់ស្មាតហ្វូន Nokia 2.1
ក្រឡេកទៅមើលស្មាតហ្វូន Nokia 2.1 វិញ សមត្ថភាពរបស់វាក៏មិនធម្មតាដែរ។ ស្មាតហ្វូននេះអាចបញ្ចូលថាមពលថ្មម្តងអាចប្រើប្រាស់បានរយៈពេល ២ ថ្ងៃដែលអ្នកប្រើប្រាស់នឹងរីករាយជាមួយនឹងការកម្សាន្ត និងប្រតិបត្តិការងារបានតាមតម្រូវការដោយគ្មានការព្រួយបារម្ភនោះទេ។ Nokia 2.1 នេះមានអេក្រង់ទំហំ 5.5-inch HD ភ្លឺច្បាស់ក្នុងការទស្សនា។ ថាមពលថ្មរបស់វាមានទំហំដល់ទៅ 4000mAh ដែលផ្តល់នូវភាពងាយស្រួលសម្រាប់លោកអ្នកក្នុងការខលកម្សាន្ត និងការទស្សនានូវខ្សែភាពយន្ត ឬកម្មវិធីទូរទស្សន៍ដែលអ្នកពេញចិត្តបានតាមតម្រូវការ។
Nokia 2.1 ផ្តល់នូវការប្រើប្រាស់ពេញលេញជាមួយនឹងកម្មវិធីយ៉ាងសម្បូរបែបដែលអ្នកអាចទាញយកបានដោយសេរីពី Google Play Store ។ ស្មាតហ្វូននេះប្រើប្រាស់នូវ Android 8.1 Oreo ផ្តល់នូវការធានាសុវត្ថិភាពពេញលេញ ហើយស្មាតហ្វូននេះមាន 3 ពណ៌យ៉ាងស្រស់ស្អាតសម្រាប់ធ្វើការជ្រើសរើសទៅតាមស្ទាយ៍របស់អ្នក។
លោកអ្នកអាចរកជាវបានគ្រប់ដេប៉ូចែកចាយទូរស័ព្ទដៃ NOKIA ក្នុងប្រទេសកម្ពុជា សម្រាប់ព័ត៌មានលម្អិត សូមទំនាក់ទំនងទៅកាន់លេខ 012879707។ តើស្មាតហ្វូនមួយណារវាង Nokia 2.1 ឬ Nokia 6.1 Plus ដែលអ្នកចង់បាន?