ថ្មីៗនេះ ក្រុមហ៊ុនបច្ចេកវិទ្យា Xiaomi ប្រកាសអំពីការបំបែកនូវកំណត់ត្រា Guinness World Record មួយផ្សេងទៀតតាមរយៈការបើកហាង Mi Stores ចំនួន 500 កន្លែងនៅក្នុងប្រទេសឥណ្ឌានេះ។ ក្រុមហ៊ុនបច្ចេកវិទ្យាយក្សរបស់ចិនមួយននេះ ជ្រើសរើសនៅក្នុងការបើកហាងថ្មីចំនួន 500 កន្លែងនៅក្នុងពេលតែម្តងប៉ុណ្ណោះ។

ហាងទាំងនេះស្ថិតនៅក្នុងតំបន់ផ្សេងៗគ្នានៃទីក្រុងជាច្រើននៅក្នុងប្រទេសឥណ្ឌា ហើយការបំបែកនូវកំណត់ត្រានេះគឺធ្វើឡើងនៅថ្ងៃទី ២៩ ខែតុលានេះ។ ក្រុមហ៊ុន Xiaomi ហៅគម្រោងនេះថាគឺជា Guinness World Record សម្រាប់ប្រទេសឥណ្ឌាក្នុងការចែកចាយនូវបទពិសោធន៍នៃការប្រើប្រាស់យ៉ាងអស្ចារ្យសម្រាប់អតិថិជនរបស់ខ្លួននៅក្នុងប្រទេសឥណ្ឌា។

ក្រុមហ៊ុន Xiaomi នេះនៅក្នុងឆ្នាំ ២០១៩ ក៏មានគោលដៅក្នុងការបើកហាងលក់ថ្មីចំនួន ៥០០០ កន្លែងទៀត និងជួលបុគ្គលិកចំនួន ១៥០០០ នាក់នៅក្នុងប្រទេសនេះទាំងមូលតែម្តង៕