វាមានពាក្យចចាមអារ៉ាមជាច្រើនអំពីស្មាតហ្វូន Samsung Galaxy S10 series ដែលអាចជា Galaxy S10 Lite, Galaxy S10, Galaxy S10 Plus និង Galaxy S10 5G ។ សម្រាប់ស្មាតហ្វូន Galaxy S10 5G នឹងជាស្មាតហ្វូនថ្នាក់ប្រណិតហើយបង្កើតឡើងពីសេរ៉ាមិច ខណៈពេលដែលស្មាតហ្វូន Galaxy S10 និង S10 Plus ប្រើប្រាស់នូវពណ៌ Gradient ។

ស្មាតហ្វូន Galaxy S10 5G នឹងមានអេក្រង់ទំហំ 6.7 inches កាមេរ៉ា 4 គ្រាប់ និងកាមេរ៉ា 3D sensing ToF ហើយវាក៏ប្រើប្រាស់នូវ wireless charging ថែមទៀត។ ស្មាតហ្វូន Galaxy S10 5G នេះមានលេខកូដ SM-G75FC ហើយវាមានម៉េមូរីទំហំ 512 GB ។ ស្មាតហ្វូននេះមានពីរពណ៌គឺពណ៌ស និងពណ៌ខ្មៅដែលធ្វើពីសេរ៉ាមិចដែលរឹងមាំ និងមិនងាយឆ្កូតនោះទេ។

ស្មាតហ្វូន Galaxy S10 (SM-G73) និង Galaxy S10 Plus (SM-G75) មានអេក្រង់ទំហំ 5.8-inch និង​ 6.44-inch ហើយវាមានពណ៌ Gradient ។ ស្មាតហ្វូននេះប្រើប្រាស់នូវកាមេរ៉ាភ្លោះ។ ស្មាតហ្វូន Galaxy S10 Lite មានលេខកូដ SM-G70 ហើយវាក៏មានប្រព័ន្ធកាមេរ៉ាភ្លោះផងដែរ៕