Mozilla បានផ្តល់ភាពងាយស្រួលដល់អ្នកក្នុងការចែករំលែកឯកសារធំ ៗ ដោយសុវត្ថិភាពដោយមិនគិតថ្លៃ។ នៅទីបំផុតក្រុមហ៊ុន Mozilla បានបើកដំណើរការសេវាកម្មផ្ទេរឯកសារដែលបានអ៊ិនគ្រីបដោយឥតគិតថ្លៃដែលហៅថា Firefox Send ដល់សាធារណជនដែលអនុញ្ញាតឱ្យអ្នកប្រើអាចចែករំលែកឯកសារធំ ៗ ដូចជាឯកសារ វីដេអូ អូឌីយ៉ូឬរូបថតដែលមានទំហំធំដើម្បីឱ្សមទៅនឹងឯកសារ​ភ្ជាប់របស់អ៊ីម៉ែល។

Firefox Send ត្រូវបានចេញដំណើរដំបូងដោយក្រុមហ៊ុន Mozilla ដើម្បីសាកល្បងជាផ្នែកមួយនៃកម្មវិធីពិសោធន៍សាកល្បងរបស់ក្រុមហ៊ុន។ Firefox Send អនុញ្ញាតឱ្យអ្នកផ្ញើឯកសារទំហំដល់ទៅ 1GB ប៉ុន្តែប្រសិនបើអ្នកចុះឈ្មោះប្រើប្រាស់គណនី Firefox ដោយឥតគិតថ្លៃអ្នកអាចផ្ទុកឯកសារទំហំ 2.5GB ។

សេវាកម្មនេះប្រើ browser-based ជាបច្ចេកវិទ្យាអ៊ិនគ្រីបដែលអ៊ិនគ្រីបឯកសាររបស់អ្នកមុនពេល Upload ទៅ Mozilla server ដែលអាចឌីគ្រីបបានដោយអ្នកទទួលតែប៉ុណ្ណោះ។ វាគ្រាន់តែជាវែបសាយអនឡាញមួយដែលអ្នកអាច Upload ឯកសារបានយ៉ាងឆាប់រហ័សដែលការពារវាដោយប្រើពាក្យសម្ងាត់  ហើយកំណត់រយៈពេលផុតកំណត់។ បន្ទាប់មកអ្នកទទួលអាចទាញយកឯកសារដោយគ្រាន់តែចូលមើល URL ដែលបានចែករំលែកដោយពួកគេមិនមានគណនី Firefox ក៏បាន។

នេះគឺជាលក្ខណៈពិសេសសំខាន់ៗរបស់ Firefox Send:

End-to-End Encryption – Firefox Send ប្រើ 128-bit AES-GCM ដោយអ៊ិនគ្រីបតាមរយៈ Web Crypto API ដើម្បីអ៊ិនគ្រីបឯកសារនៅក្នុង web browser មុនពេល Upload វាទៅម៉ាស៊ីន Server។

កំណត់ពេលវេលាកំណត់ – នៅពេលកំពុង Upload ឯកសារអ្នកអាចជ្រើសរើសចន្លោះរយៈពេលរវាង 5 នាទីនិងមួយសប្តាហ៍ បន្ទាប់ពីតំណឯកសាររបស់អ្នកផុតកំណត់ធ្វើឱ្យវាមិនអាចទាញយកបាននៃអ្នកទទួល។

កំណត់ចំនួននៃការទាញយក​ – អ្នកក៏អាចកំណត់ចំនួននៃការទាញយកឯកសារ (រវាង 1 ទៅ 100) បន្ទាប់ពីគ្របចំនួនទាញយកតំណឯកសាររបស់អ្នកនឹងផុតកំណត់ដោយស្វ័យប្រវត្តិ។

កំណត់ពាក្យសម្ងាត់ – សម្រាប់សន្តិសុខបន្ថែមអ្នកក៏អាចជ្រើសរើសកំណត់ពាក្យសម្ងាត់តាមតម្រូវការ មុនពេលអ្នកទទួលអាចទាញយកឯកសារ។

មិនដូចកម្មវិធីផ្សេងទៀតដូចជា Dropbox និង Google Drive នោះទេ Firefox Send មិនមានជម្រើសបង់ប្រាក់សម្រាប់អ្នកប្រើទេ មានន័យថាអ្នកមិនអាចទិញទំហំបន្ថែមបានទេ។