ក្រុមហ៊ុន Microsoft មានសិទ្ធិស្របច្បាប់គ្រប់គ្រងគេហទំព័រចំនួន 99 ដែលកំពុងដំណើរការជាមួយនឹង ក្រុមភេរវកម្មអ៊ីរ៉ង់មួយឈ្មោះ Phosphorus។  ដើម្បីទប់ស្កាត់គេហទំព័រទាំងនោះកុំឱ្យធ្វើការក្នុងការវាយ ប្រហារតាមអ៊ីនធរ័ណែត តុលាការអាមេរិកអនុញ្ញាតអោយអង្គភាពឧក្រិដ្ឋកម្មឌីជីថលរបស់ Microsoft ទទួលខុសត្រូវលើគេហទំព័រទាំងនេះដែលទាក់ទងទៅនឹងក្រុម hacking ដែលគេស្គាល់ផងដែរថាជា Charming Kitten, Ajax Security team និង APT 35។ 

ក្រុមព្យាបាទ Phosphorus ត្រូវគេកំណត់ រចនាសម្ព័ន្ធដើម្បីប្រើ spear-phishing ដើម្បីបន្លំចូលទៅក្នុងគណនីឯកជនរបស់បុគ្គល។ Cybercriminals នៅ Phosphorus រមែងឆ្ពោះទៅរកវិស្វកម្មសង្គមដើម្បីទាក់ទាញបុគ្គលឱ្យចុចលើតំណ ដែលផ្ញើតាមគណនីក្លែងក្លាយដែលទំនងជាទំនាក់ទំនង។ តំណនេះមានកម្មវិធីឆ្លងដែលអនុញ្ញាតឱ្យ Phosphorus ចូលក្នុងប្រព័ន្ធកុំព្យួទ័រ។  ជាទូទៅវាធ្វើសកម្មភាពព្យាបាទដើម្បីទទួលនូវទិន្នន័យ រសើបដែលរក្សាទុកនៅលើប្រព័ន្ធកុំព្យួទ័ររបស់ភ្នាក់ងាររដ្ឋាភិបាល និងអាជីវកម្ម។

លោក Tom Burt អនុប្រធានក្រុមហ៊ុនសន្តិសុខ និងទំនុកចិត្តអតិថិជននៅក្រុមហ៊ុន Microsoft និយាយថាគោលដៅរបស់ វាក៏រួមបញ្ចូលទាំងសកម្មជន និងអ្នកសារព័ត៌មានជាពិសេសអ្នកពាក់ព័ន្ធក្នុងការតស៊ូមតិ និងការរាយ ការណ៍អំពីបញ្ហាពាក់ព័ន្ធនឹងមជ្ឈឹមបូព៌ា។ ” អង្គភាពឌីជីថល Microsoft (DCU) និងមជ្ឈមណ្ឌលស៊ើប អង្កេតគំរាមកំហែង Microsoft (MSTIC) តាមដាន Phosphorus តាំងពីឆ្នាំ 2013។ “

Phosphorus ក៏ប្រើបច្ចេកទេសមួយដែលវាផ្ញើអ៊ីម៉ែលធ្វើឱ្យវាហាក់ដូចជាមានហានិភ័យសុវត្ថិភាពដល់គណនីរបស់ ពួកគេដែលជំរុញឱ្យពួកគេបញ្ចូលព័ត៌មានសម្ងាត់ទៅក្នុងសំណុំបែបបទបណ្ដាញដែលអាចឱ្យក្រុមនេះចាប់យកពាក្យសម្ងាត់របស់ពួកគេ និងទទួលការចូលប្រើ” Burt ប្រាប់នៅក្នុងប្លុករបស់គាត់។   Microsoft និយាយថា “សកម្មភាពដែលយើងធ្វើកាលពីសប្តាហ៍មុនជួយយើងឱ្យគ្រប់គ្រងគេហទំព័រ ចំនួន 99 និងប្តូរទិសចរាចរពីឧបករណ៍ដែលឆ្លងមេរោគទៅអង្គភាពឧក្រិដ្ឋកម្មឌីជីថលរបស់យើង”។