ស្មាតហ្វូនស៊េរីថ្មី Samsung Galaxy Note 10 series នេះគឺជាស្មាតហ្វូនដែលមនុស្សជាច្រើនទន្ទឹងរង់ចាំនៅក្នុងឆ្នាំនេះ។ ថ្មីៗនេះ វាមានការបែកធ្លាយនូវរូបរាងដ៏ស្រស់ស្អាតរបស់ស្មាតហ្វូន Galaxy Note 10 នេះ។ ស្មាតហ្វូននេះនឹងមិនមានកាមេរ៉ាផ្តេកដូចមុនទៀតនោះទេ ប៉ុន្តែវានឹងមានការរចនាជាមួយនឹងកាមេរ៉ាបញ្ឈរយ៉ាងស្រស់ស្អាតបំផុត។

ស្មាតហ្វូន Galaxy Note 10 គឺមានរូបភាព Renders ដែលផ្អែកទៅលើ CAD ដែលមានកាមេរ៉ា ៣ គ្រាប់។ តាមការបញ្ជាក់នៃពាក្យចចាមអារ៉ាមនេះ ស្មាតហ្វូននេះនឹងប្រើប្រាស់នូវបច្ចេកវិទ្យាកាមេរ៉ាចេញពី Galaxy S10 series ។ វាមានកាមេរ៉ាគោលដែលមានទំហំ 12-megapixel sensor ដែលធ្វើការពង្រឹងទៅលើការថតរូបភាពនៅកន្លែងដែលខ្វះពន្លឺតិចផងដែរ។ កាមេរ៉ាទី ២ គឺ 12-megapixel ប្រើប្រាស់នូវ 2x telephoto zoom lens និងកាមេរ៉ាទី ៣ 16-megapixel super-wide-angle ។

វាក៏មានភ្លើង LED flash នៅក្បែរកាមេរ៉ានេះផងដែរ។ ស្មាតហ្វូនស៊េរីថ្មី Galaxy Note 10 នេះនឹងមានអេក្រង់ទំហំ 6.3-inch curved AMOLED panel ជាមួយនឹងប្រព័ន្ធស្កេនក្រយ៉ៅដៃក្រោមអេក្រង់ គែមស្តើងថែមទៀត។ វាមានកាមេរ៉ាខាងមុខទំហំ 10-megapixel selfie ថែមទៀតផង៕