ប្រសិនបើអ្នកកំពុងតែងឿងឆ្ងល់ថាតើពេលណាដែលក្រុមហ៊ុនបច្ចេកវិទ្យា Huawei នឹងអាចទទួលបាននូវអាជ្ញាប័ណ្ណ Android វិញនោះ វាមិនអាចកើតឡើងបានទេនៅក្នុងឆ្នាំនេះ។ ថ្មីៗនេះ លោកប្រធានាធិបតីត្រាំបានដាក់បញ្ចេញនូវបញ្ជាមួយហៅថា “National Emergency” ដើម្បីការពារព័ត៌មាន និងសេវាកម្មទូរគមនាគមន៍ពីការគំរាមកំហែងក្នុងនោះក៏មានក្រុមហ៊ុន Huawei ផងដែរ។
នៅក្នុងបទបញ្ជាដំបូងនេះត្រូវបានអនុម័តនៅក្នុងខែឧសភា ឆ្នាំមុននេះដែលមានការហាមប្រាមក្រុមហ៊ុនបច្ចេកវិទ្យា Huawei ក្នុងការធ្វើជំនួញជាមួយនឹងក្រុមហ៊ុនជាច្រើនដែលមានមូលដ្ឋាននៅក្នុងសហរដ្ឋអាមេរិក។ នេះគឺមានសេវាកម្ម Android OS របស់ Google ផងដែរ ហើយនេះបានជម្រុញអោយក្រុមហ៊ុន Huawei បង្កើតនូវ app ecosystemរបស់ខ្លួនដែលមិនពឹងផ្អែកនៅលើសេវាកម្មរបស់ Google នោះទេ។ ស្មាតហ្វូនជាច្រើនរបស់ Huawei ពេលនេះគឺមិនមានសេវាកម្ម Google Services នោះទេនៅក្នុងទីផ្សាររបស់អ៊ឺរ៉ុប។
ត្រឡប់ទៅកាន់ខែមីនានោះ ក្រុមហ៊ុនបច្ចេកវិទ្យា Huawei បានប្រកាសបង្ហាញនូវសេវាកម្ម HMS (Huawei Mobile Services)របស់ខ្លួនសម្រាប់ជំនួសទៅលើសេវាកម្ម Google Play Services ដែលមានអ្នកប្រើប្រាស់ ៤០០ លាននាក់ និងមានអ្នកអភិវឌ្ឍកម្មវិធីចំនួន 1.3 លាននាក់។ ក្រុមហ៊ុន Huawei អាចនឹងមានគម្រោងក្នុងការជំនួសនូវ Android OS ជាមួយនឹង Harmony OS តែម្តង៕