ថ្មីៗនេះ ក្រុមហ៊ុន Microsoft បានចេញផ្សាយការធ្វើបច្ចុប្បន្នភាពសុវត្ថិភាពថ្ងៃអង្គារ(patch Tuesday ) ជាមួយនឹងការដោះស្រាយភាពងាយរងគ្រោះចំនួន១២៩ ហើយជួសជុលនេះគឺជាការជួសជុលធំបំផុតដែលមិនធ្លាប់មានចេញផ្សាយដោយក្រុមហ៊ុន Microsoft ។

ផលិតផលកម្មវិធីសូហ្វវែរ(software)មួយចំនួនរបស់ក្រុមហ៊ុន Microsoft ត្រូវបានគេត្រួតពិនិត្យនៅក្នុងការចេញផ្សាយនូវសុវត្ថិភាពដូចខាងក្រោមៈ

• Microsoft Windows

• Microsoft Edge (EdgeHTML-based)

• Microsoft Edge (Chromium-based) in IE Mode

• Microsoft ChakraCore

• Internet Explorer

• Microsoft Office and Microsoft Office Services and Web Apps

• Windows Defender

• Microsoft Dynamics

• Visual Studio

• Azure DevOps

• HoloLens

• Adobe Flash Player

• Microsoft Apps for Android

• Windows App Store

• System Center

• Android App

ក្នុងចំណោមភាពងាយរងគ្រោះទាំង១២៩ ភាពងាយរងគ្រោះចំនួន១១ប្រភេទត្រូវបានចាត់ថ្នាក់ថាជាភាពងាយរងគ្រោះធ្ងន់ និង ១០៩ ប្រភេទទៀត ត្រូវបានកំណត់សម្គាល់ថាសំខាន់​ និងភាពងាយរងគ្រោះចំនួន ៧ ជាកម្រិតមធ្យម និងភាពងាយរងគ្រោះចំនួន ២ ត្រូវបានកំណត់ថាស្ថិតនៅក្នុងកម្រិតស្រាល ។ គួរបញ្ជាក់ផងដែរថា ភាពងាយរងគ្រោះសំខាន់ៗបង្កផលប៉ះពាល់លើផលិតផលរបស់ Microsoft ជាច្រើនរួមមានដូចជា Browser, Office SharePoint, Scripting Engine, Windows OLE, Print Spooler Components និង windows Shell និងពុំមានការជួសជុលកំហុស zero-day ត្រូវបានបញ្ចូលក្នុងបច្ចុប្បន្នភាពនេះទេ៕